Yeshaya 17:7 - MUKANDA WA MYIDI MUKULU

⁷ Dituku adi, bantu nebalonde tshiakabidi mufuki wabu. Nebatangile kudi Mvidi Mukulu wa tshijila wa bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mu dituku adi bantu nebatangile kudi Mufuki wabo, ne mesu abo neanemeke wa Tshijila wa Isalele.

Yeshaya 17:7 交叉引用

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Yeshaya 29:24

Bantu bavua bapange lungenyi, nebatuadije kungumvua. Bavua bela amu mpata, nebanyishe bua babalongeshe.”

Yeshaya 22:11

Nuvua bumbule tshiina tshia mayi, munkatshi mua bimana bibidi, bua kukoka mayi avua mu tshiina tshia mayi tshikulukulu. Kadi kanuena bavuluke ne: Mvidi Mukulu ke udi muenze malu onsu. Uvua mualongolole ku kale. Kadi nuenu kanuvua bamone bualu ebu.

Yeshaya 19:22

Maweja-Nangila neanyoke bena Ejipitu, bua bamone mua kudilengeja. Nebapingane kudiye. Yeye neanyishe malomba abu, neabambuluishe.

2 Kulondolola 31:1

Tshibilu tshimane kujika, bena Izrayele bonsu bavua muaba awu, kuya mu bimenga bia bena Yuda. Kubumbulabu mabue avua bantu bimanyike, kupulabu makunji a kutendelela mvidie, kunyangabu miaba ya kutendelela mvidie, ne bilambuilu biayi. Bena Izrayele bavua benza nanku mu bukalenga buonsu bua bena Yuda, mu tshisamba tshia bena Binyamine, tshia bena Efrayime ne tshia bena Menashe. Pashishe, muena Izrayele yonsu kupingana ku nzubu kuende mu tshimenga tshiende.

2 Samuele 22:42

Nansha bobu bakenzakane udi mua kubambuluisha, badi batangila bapanga. Badi basengelela Maweja-Nangila, kadi kena wandamuna.

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Amosa 3:12

Maweja-Nangila udi wamba ne: Padi nyama wa ntambue mukuate mukoku, mulami wawu udi mua kudipula amu mifuba ibidi, nansha katupa ka ditshi. Ke bidi ne bua kuenzekela bena Izrayele badi basomba mu Samariya, banangidila mu nkuasa milengeja bimpe, ne mu misamu ya bulalu: nebasungile amu “katupa” ka kudibu.