Yeshaya 17:13 - MUKANDA WA MYIDI MUKULU

¹³ Tshimvundu tshia bisamba tshidi tshienda tshisemena pabuipi, tshifuana tshiona tshia mavuala a mayi manene. Kadi Maweja-Nangila udi ukanyina bisamba. Biobi bidi binyema kule, bu kasosa kapepula kudi lupepele lua pa mikuna, bu lupuishi lujuula kudi mvunde.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Ba mu bisamba bia bantu badi mua kuenda lubilu bu dihueka dia lukasa dia mai a bungi, kadi Yehowa neababele, ne nebanyeme kule, nebihatshibue bu mudi bisote bia ku tshituilu tshia ha mukuna bihehudibua halua luhehele, ne bu mudi luhuishi lunyunguluka ne nvunde.

Yeshaya 17:13 交叉引用

Misambu 9:5

Paudi usomba mu nkuasa webe, udi ulumbuluisha tshilumbu amu pa tshiotshi. Ke muudi mukose nsambu yanyi, mumbingishe.

Misambu 1:4

Kadi bantu babi ki mbena diakalenga! Badi bu bisota bidi lupepele lutangalaja.

Yobe 21:18

Badi baya nabu bu mudi lupepele luambula bisosa anyi? Peshi bu mudi mvunde ujula lupuishi anyi?

Yeshaya 29:5

Kadi baluishi bebe ba bungi, nebikale anu bu dibungi dia lupuishi. Bena lukuna badi bakuluisha, nebikale bu bisosa bidi lupepele lupepula.” Eyowa, bualu ebu nebuenzeke lukasa, katuyi babutekemene.

Osheya 13:3

Nanku, bena Efrayime nebajimine, bu dibungi dia mu dinda, bu lumuma ludi lujika ku bisosa, bu bisote bipepula kudi mvunda, bibuka muaba udibu bashipuila ntete, nansha bu muinshi, upatukila mu musonga wa nzubu.

Danyele 2:35

Nenku diakamue tshiamu tshifiike, dima, tshiamu tshikunze, tshiamu tshitoke tshia mushinga mukole, ne tshiamu tshia mpawungi, kusunsukabi, kuenza lupuishi ludi lupepele lupepula, mudi bisote bipepuka mu tshikondu tshidibu bapepula ntete. Lupepele kupepula bionsu, kaluyi lushiya kantu ka lupingu nansha kamue. Kadi dibue divua didikume ku lupingu adi kuenzadi mukuna munene, uvua muwuje buloba bujima.

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Yeshaya 14:25

Nenyangakaje bukole bua bena Ashure, mu buloba buanyi meme. Nembudiatakaje pa mikuna yanyi. Nenjikije tshinyangu, tshidibu banyanga natshi bantu banyi. Nengumushe bujitu bunene, budibu babambuishe.”

Misambu 35:5

Mutumibue wa Maweja-Nangila neabatangalaje bu bisoosa biambula kudi lupepele.

Yobe 38:11

Meme kuambila mayi manene ne: “Neupueke too ne apa. Kusabuki kuaka nansha. Mavuala ebe adi adiela mulu awu, neimane apa.”

Misambu 65:7

Udi ushindika mikuna ku bukole buebe, uleja dikanda diudi nadi.

Yeshaya 8:7

Nenku nembueje mu ditunga diatshi, mayi a musulu wa Perate, mayi mapite bungi, a muenji mukole kabidi. Ke mukalenga wa Ashure, ne tshiluilu tshiende. Mayi a musulu wa Perate, neapasalale dia muamua ne dia munu.

Yeshaya 21:15

Bualu bavua banyeme muele wa mvita, banyeme muele ukavua ubashipa, banyeme buta bukavuabu bamane kunana, banyeme mvita ikavua mikole.

Yeshaya 22:18

Neakuele kule, mu ditunga dialabale, amu bu mudibu bela ndundu wa dinaya nende. Muaba awu ke uwafuila, neufuilemu, pabuipi ne matempu ebe audi uditemba nawu, bualu udi munyange lumu lua lubanza lua mfumuebe!

Yeshaya 34:17

Maweja-Nangila uvua mutshinke, tshitupa tshia ditunga, tshidi yonsu wa kudiyi mua kupeta. Uvua muangate muonji, bua kupima ditunga, kudiabanyina nyama ayi. Nedishale diayi kashidi, neisombemu tshiendelele.

Yeshaya 40:15

Kumpala kua Maweja-Nangila, bisamba bia bantu, bidi amu bu dimata dia mayi, didi dimata mu mbeketshi, nansha bu kasoka ka lusenga, kadibu bateka pa dilongu dia tshitempelu. Bantu ba kulekule, badi amu ne bujitu bu bua lupuishi lukese.

Yeshaya 40:24

Badi bu mitshi mitekete. Bavua bamiamina ntete, itshidi yelelaku miji mu buloba. Kadi padi Mvidi Mukulu uyela mupuya, idi yuma, mupuya wende udi uyishimbula, bu mudi lupepele lukole lutula tususu tua tshimuma tshibishi.

Yeshaya 41:11

Eyowa, bonsu badi bakukina, nebafue bundu. Bantu nebabaseke. Baluishi bebe nebajimine, nebabutuke bonsu!

Sefanya 2:2

kanuyi banji kutangalaka, mudi bisote bitangalaka dituku dimue. Nukudimune mioyi yenu, tshiji tshia Maweja-Nangila tshikuata kapia katshiyi tshianji kufika kunudi, dituku didiye ulumbuluisha bantu kadiyi dianji kusemena pabuipi.

Misambu 65:8

Udi utuyisha tshiona tshia mavuala a mayi manene, utalaja mutoyi wa bantu.

Yeshaya 30:28

Mueyelu wende udi ne bukole bu bua muenji wa musulu. Udi ufika bua kukengesha bantu, kubapepula, kubimansha bu bisota, kubela nkanu ku mbanga, bua kuya nabu kudibu kabayi basue.