Yeshaya 13:22 - MUKANDA WA MYIDI MUKULU

²² Nyama ya bimungu neilale mu nzubu minene ya mu tshimenga. Nyama ya mibuabua neidile mu nzubu ya bakalenga. Tshikondu tshia kubutula Babilone tshikadi pabuipi. Bakadi bamane kubala matuku ende.

Mukanda wa Nzambi Dihungila Dikulukulu ne Dihungila Dihia-dihia 2003

²² Nyama ya bimungu neyidile mu mbalasa ya bukelenge babo, mibuabua neyidile mu nsubu yabo ya mushinga mukole. Tshikondo tshiandi tshia kubutuka tshidi tshiamba kufika, ne matuku andi kaena aleha.

Yeshaya 13:22 交叉引用

Yirmeya 51:33

Maweja-Nangila wa bukole buonsu Mvidi Mukulu wa Izrayele, udi wamba ne: Ditunga dia Babilone dikadi bu buloba bua tshituilu budibu badiata, bua bamone mua kushipula ntete ya kuenza bukula. Nenku tshikondu tshia kunowa tshikadi pabuipi.

Yeshaya 35:7

Lusenga luvua luosha, neluandamuke dijiba. Ditunga divua kadiyi ne mayi, nediandamuke mpokolu wa mayi. Miaba ivua mibuabua ilala, malenge ne nshiba nebitolokemu.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Yeshaya 34:13

Mitshi ya meba idi imena mu nzubu ya bukalenga. Mpesa ne mingonga, bidi bitoloka mu bimenga bivuabu bakoleshe ne bimana. Mibuabua idi inayilamu, nyunyi ya kafyondu iladilamu.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Misambu 44:19

Katuena nansha bakubenge, katuena bapambuke mu njila webe.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yeshaya 43:20

Nyama ya muitu, mibuabua ne kasonga-nyunyi, neinganyishe bikole, bua pandi mupatule mayi mu tshipela, ne misulu miaba miume. Bualu ndi musue kupesha bantu, bandi musungule, mayi a kunua.

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Yirmeya 48:16

Nuenu bena Mowabe kabutu kadi pabuipi, dikenga nedinukuate lukasa.

Muadi 4:3

Nansha nyama ya mibuabua mene idi ne muoyi wa buledi, yamusha bana bayi mabele. Kadi tshisamba tshianyi tshidi bu mamu wa tshikisu, udi kayi utangila bana bende: bu mudi nyunyi munene wa mikolu mile wa mu tshipela.

Mika 1:8

Pandi ngela meji ku bionsu abi, meme Mika, ndi ngasa muadi, ndi ndila, ntua mikemu. Ndi ngenda butaka, ku makasa kutupu. Ndi ngela mikunda, bu nyama ya mibuabua, ntua mikemu ngabakana bu nyunyi ya mikolu mile.

Yeshaya 14:23

Nengenze Babilone bu mudi tshisense, muaba udibu basombe kudi nyunyi ya kasonga-mule. Nembutule bionsu. Meme Maweja-Nangila, ndi njadika nanku.”

Yeshaya 34:14

Nyama ya kande neisangilemu ne nyama ya tshimungu. Ke mudi mbuji ya muitu isangila. Ke mudi mukishi mubi udi wendakana butuku, upetela muaba wa kuikishila.

Sefanya 2:14

Muaba uvua tshimenga, bisumbu bia nyama nebilalemu, kabidi ne nyama mikuabu ya mishindu yonsu: tshipungulu ne kakutukutu nebisombe mu mitu ya makunji a nzubu. Nebumvuile miadi ya nyunyi ku madidishi a nzubu. Tshikolokolu netshimueneke ku tshibuelelu. Mabaya a sedre avuabu balamike ku bimana, nebaalamune ku bukole.