Yeshaya 10:26 - MUKANDA WA MYIDI MUKULU

²⁶ Maweja-Nangila muena bukole buonsu neakengeshe bena Ashure, bu muvuaye muenzele bena Madiyane pa lubuebue lua Orebe. Neolole dikombu diende pa mayi manene, bu muvuaye munyoke bena Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yehowa wa misumba neababishile nsokotshi bu muakakumeye Bena Midiyana ku Dibue dia Olebe; ne bu muakabisheye tshibonge tshiandi ha mutu ha mai manene, nunku yeye neatshioshile kabidi bu muakenzenzeye mu Ejipitu.

Yeshaya 10:26 交叉引用

Yeshaya 9:4

Bisabata bia baluishi bidi bizakaja buloba, binkutu biabu binyanguke ne mashi, nebabioshe mu kapia, babishidisha.

Balombodi 7:25

Kukuatabu bamfumu babidi ba bena Madiyane, Orebe ne Zebe. Kushipelabu Orebe pa lubuebue lua Orebe. Kushipelabu Zebe ku tshikaminu tshia Zebe. Pashishe kutungunukabu, balondakaja bena Madiyane. Ngideyone uvua mushale dishiya dia Yardene. Kumutuadilabu mutu wa Orebe ne wa Zebe.

2 Bakalenga 19:35

Butuku, mutumibue wa Maweja-Nangila kuya mu mitanda ya bena Ashure. Kushipayemu bantu balume binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika ku tulu kumonabu bitalu bionsu abi.

Ekesode 14:16

Kadi, wewe olola dikombu diebe pa mayi, apanduluke. Bena Izrayele basabuke ku makasa kuma.

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

Didimanyisha 11:18

Bantu ba bisamba bikuabu bavua bakutombokele ne tshiji. Kadi diba dikadi dimane kukumbana dia Wewe kuleja tshiji tshiebe, dia Wewe kulumbuluisha bafue bonsu. Diba ndimane kufika dia kusankisha bambi bebe bavua bakukuatshila mudimu, ne bantu bebe bonsu badi bakunemeka, baneme ne bashadile. Diba ndimane kufika dia kubutula badi babutula buloba!”

Yeshaya 11:16

Bu muvua bena Izrayele bavua bapatuka mu Ejipitu, benda mu njila munene, ke mudi bantu bavua bashale ne muoyi, mu ditunga dia bena Ashure, mua kuenda kabidi mu njila munene.

Yeshaya 10:24

Nanku umvuayi tshidi Maweja-Nangila Mvidi Mukulu wa bukole buonsu wamba: “Bantu banyi, nuenu badi basomba mu Siyone, lekelayi kutshina bena Ashure, badi banutuuta ne mitshi, banuambuila tshibonge, muvua bena Ejipitu banuenzela bangabanga.

Misambu 83:11

bavua babashipe ku mpokolu wa Arode. Kushalabu bufuke bua buloba.

Misambu 35:23

Mvidi Mukulu wanyi, juka, undumbuluile! Maweja-Nangila, tabuluka, unsungidile!

Yeshaya 30:31

Bena Ashure nebakuatshike bowa, padibu bumvua diyi dia Maweja-Nangila, bamona mutshi udiye ubanyoka nawu.

Yeshaya 9:3

Bualu udi utshibula lelu mujuwu wa bupika, wa bujitu bunene butambe, mutshi udi ubashila mputa pa makaya, mulangala udi muena tshinyangu ubakuma nawu. Ke muuvua muenze kale, pauvua mutshimune bena Madiyane.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yeshaya 30:32

Misangu yonsu idi Maweja-Nangila ubatuta, udi amu ubalongesha. Musangu onsu udiye ubakuma, udi ubajija maja, ngoma ne nzenze bidila.