Yeshaya 10:24 - MUKANDA WA MYIDI MUKULU

²⁴ Nanku umvuayi tshidi Maweja-Nangila Mvidi Mukulu wa bukole buonsu wamba: “Bantu banyi, nuenu badi basomba mu Siyone, lekelayi kutshina bena Ashure, badi banutuuta ne mitshi, banuambuila tshibonge, muvua bena Ejipitu banuenzela bangabanga.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nunku Mukelenge, Yehowa wa misumba, udi wamba ne, Nuenu bantu banyi badi bashikame mu Siona, kanutshinyi Bena Ashû, nansha bianukumabo ne mulangala, ne biabishabo tshibonge tshiabo bua kunututa nʼatshi, bu muakenza Bena Ejipitu.

Yeshaya 10:24 交叉引用

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yeshaya 37:6

awu kubambila ne: “Nuye kuambila mfumuenu ne: Maweja-Nangila udi wamba ne: Uvua muteleje muvua balombodi ba bena mvita ba mukalenga wa bena Ashure bampenda. Kadi kutshinyi bionsu bivuabu bakula abi to.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

Yeshaya 35:4

Ambilayi badi batekesha mu maboku ne: “Kanutshinyi, kolayi bo bo bo, Mvidi Mukulu wenu udiku! Udi ufika bua kunusombuela, bua kupingajila bena lukuna benu malu mabi avuabu banuenzele. Yeye mene udi ufika bua kunupandisha.”

Yeshaya 30:19

Nuenu bena Siyone, badi basomba mu Yerushalayime, katshia kanuakudila kabidi to. Panuabikila Maweja-Nangila, neanuambuluishe ne muoyi wa kalolu. Yeye mumvue amu muadi wenu, neanuandamune.

Yeshaya 27:7

Kadi Maweja-Nangila mmunyoke bantu bende bikole, amu muvuaye munyoke bavua babakengesha anyi? Mmushipeshe bantu bende bungi buvuaye mushipeshe bavua bashipe bende anyi?

Yeshaya 14:29

Nuenu bonsu bena Peleshete, kanusanki bua padi bena Ashure, bavua banukengesha, kabayi kabidi ne bukole. Bualu kudi nyoka mufuile, nekupatuke munga nyoka, mupite wa kumpala ku lulengu. Diyi diende neditoye, nyoka wa kasanga-muma.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 10:5

Maweja-Nangila udi wamba ne: Bena Ashure mbena diakabi. Mvua mubangate bua kunyoka nabu bantu banyi. Bobu ke badi bambula mutshi, undi ntalaja nawu tshiji tshianyi.

Yeshaya 9:4

Bisabata bia baluishi bidi bizakaja buloba, binkutu biabu binyanguke ne mashi, nebabioshe mu kapia, babishidisha.

Yeshaya 4:3

Nenku bonsu bavua bapanduke mu Yerushalayime, basombe pa mikuna mu Siyone, nebabinyike ne: “Bantu ba Tshijila ba Maweja-Nangila.” Bantu aba ke bavua Maweja-Nangila mufunde mu mukanda wende, bua kusombabu mu Yerushalayime.

Ekesode 14:9

Bena Ejipitu kuangata matempu abu a mvita, tubalu ne bena mvita, kulonda bena Izrayele. Kubasanganabu basombe ku muelelu wa mayi manene makunze, pabuipi ne Pi-Hahirote, batangilangane ne Baale-Sefone.

Ekesode 5:14

Bena mudimu ba mukalenga wa bena Ejipitu kutuuta bena Izrayele bavua benzeja bantu mudimu, babambila ne: “Bua tshinyi kanuena benze madiotu bungi bua tshibidilu bu munuvua nuenza matuku onsu?”

Yeshaya 7:4

Wambile Akaze ne: “Udimuke! Kuzakadi, kutshinyi tshiji tshia Resine wa bena Arame ne tshia Peka, muana wa Remalya. Badi amu bu bishelele bia nkunyi bibidi bidi bifuima.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 30:32

Misangu yonsu idi Maweja-Nangila ubatuta, udi amu ubalongesha. Musangu onsu udiye ubakuma, udi ubajija maja, ngoma ne nzenze bidila.

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Mika 5:5

Nebadie bumfumu mu buloba bua bena Ashure. Nebakuate ditunga dia Nemrode, ne bia mvita ku bianza. Mukalenga wetu neatusungidile kudi bena Ashure, padibu basambuka mikalu, babuela mu ditunga dietu.

2 Bakalenga 19:6

awu kubambila ne: — Nuye kuambila mukalenga wenu ne: Maweja-Nangila udi wamba ne: “Uvua muteleje muvua balombodi ba bena mvita ba mukalenga wa bena Ashure bampenda. Kadi, kutshinyi bua bionsu bivuabu bakula abi to.