Yeshaya 1:29 - MUKANDA WA MYIDI MUKULU

²⁹ Eyowa, nenuikale ne bundu, bualu nuvua basue kusangila muinshi mua mitshi, bua kutendelela mvidie. Nenufue bundu, bualu nuvua basungule mpangu eyi, bua kuenzelamu malu enu mabi.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Bualu bua bundu nebubakuate bua mitshi ya telebinta inuakunanga, nenuikale babuandakashibue bualu bua bibidi binuakusungula.

Yeshaya 1:29 交叉引用

Yeshaya 66:17

Ndi ngamba apa bua bantu badi bumusha mikiya, bua kubuelabu mu mpangu mikuabu bua kutendelela mvidie. Badi bimane panyima pa muntu udi munkatshi, badia munyinyi wa ngulube, nansha wa mpuku, nansha bintu bikuabu bidibu kabayi mua kudia. Bantu aba nebabutuke tshiapamue. Maweja-Nangila ke udi wakula awu.

Yeshaya 65:3

Ke bantu badi bamfikisha tshiji misangu yonsu ku mesu a bantu. Badi balambula milambu mu mpangu yabu, boshila mvidie yabu ya tshianana manananshi pa bilambuilu bia tushole.

Yeshaya 57:5

Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Osheya 4:13

Badi balambula milambu ku nsongu ya mikuna. Badi bosha musenga wa manananshi pa mikuna, bua muinshi ubande mulu. Badi bimane muinshi mua mitshi: ya nsanga, ne mikuabu. Bualu dileji dia mitshi ayi, didi dibalengelela. Ke padi bana benu ba bakaji benda tshiendenda, bakaji ba bana benu ba balume, batomboka ku mabaka.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

Osheya 14:8

Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

Osheya 14:3

Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Yezekiyele 36:31

Nanku nenuvuluke munuvua basombe bibi, benza malu mabi. Nenunyingalale bua bilema bienu, ne bua malu enu mabi anuvua benza.

Yezekiyele 6:13

Bitalu biabu nebishale panshi munkatshi mua mpingu yabu, ne ku nseke yonsu ya bilambuilu biabu, ku nsongu ya mikuna minene ne mikese, muinshi mua mitshi idi ne mabeji mabishi mapite bungi, ne ku miaba mikuabu yonsu idibu balambuila mvidie yabu milambu. Nanku muntu yonsu neashindike ne: meme ndi Maweja-Nangila.

Yirmeya 3:6

Tshikondu tshi vua mukalenga Yoshiya mu bukalenga, Maweja-Nangila kungambila ne: — Udi mumone mudi Izrayele wenda tshiendenda anyi? Udi uya miaba yonsu ku mikuna, ne muinshi mua mitshi yonsu idi ne dileji dia bungi, bua kuenda tshiendenda.

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yeshaya 45:16

Kadi mona benji ba mpingu: nebafue bundu, nebende bonsu biname mpala panshi, bu bantu bavuabu badinga.

Yeshaya 31:7

Nudi bena tshibawu, bualu nudi badifudile mpingu ne tshiamu tshitoke tshia mushinga mukole, nansha ne mpawungi. Kadi dituku dikuabu, yonsu wa kunudi neimanshe mpingu idiye nayi.

Yeshaya 30:22

Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Yeshaya 42:17

Kadi bonsu badi batekemena kudi mvidie, badi batekemena mpingu ivuabu basonge, bayibikila ne: “Nudi mvidie yetu”, bafue bundu, banyeme lubilu.

Osheya 4:19

Lupepele lua mvunde nelubambule. Nebikale ne bundu bua milambu yabu mibi.