Yakobe 4:14 - MUKANDA WA MYIDI MUKULU

¹⁴ Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi kanuena bamanye malu kai neikaleku makelela. Muoyo wenu udi tshinyi? Nudi bu dibungi, didiku tshituha tshihi, hashishe didi dijimine.

Yakobe 4:14 交叉引用

1 Petro 1:24

Ke mudibu bafunde mu Mukanda wa tshijila ne: “Bantu bonsu badi bu bisosa. Lumu luabu luonsu ludi amu bu bilongu bia mu mpata. Bisosa bidi biuma, bilongu bipopoka.

Misambu 39:5

Maweja-Nangila, nemfue diba kaayi? Nenshale kabidi ne muoyi matuku bungi munyi? Ungandamune bua mmanye matuku autshidi muntapile.

1 Yone 2:17

Bia panu bidi bienda bijimina. Bionsu bidi bantu bajinga panu bidi bipita. Kadi udi wenza tshidi Mvidi Mukulu musue, ke udi ushala ne muoyi kashidi.

Misambu 102:3

Kungedi nyima pandi mu dikenga. Unteleje ne ntema, dituku dindi nkubikila, ungitabe lukasa.

Yakobe 1:10

Muanetu muena biuma asanke, bualu Mvidi Mukulu udi umupuekesha panshi. Bualu muena biuma neafube lukasa, bu tshilongu tshia mu mpata.

Misambu 89:47

Maweja-Nangila, neusokome kashidi anyi? tshiji tshiebe netshioshe bu kapia too ne diba kaayi?

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

Yeshaya 38:12

Mbatule nzubu undi nsomba, mudibu batula mutanda wa mulami wa mikoku, baya nawu kule kudi lupepele. Matuku anyi a panu akadi matue ku tshibungubungu, bu tshipese tshia tshilamba, tshidi mukumi ukosa buanda, uvunga. — Maweja-Nangila buatshia buila, udi mua kuvua kungangata, kumbutula. —

Misambu 78:39

uvua uvuluka ne badi amu bantu, badi bu lupepela ludi lupatuka kaluyi lupingana kabidi.

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

Nsumuinu 27:1

Kuditambishi bua malu adi mua kuenzeka malaba, bualu kuena mumanye tshidi mua kuenzeka lelu.

Yeshaya 2:22

Lekelayi kutekemena kudi muntu, bualu muoyi wa muntu udi amu mueyelu wa katupa. Muntu udi tshintu tshia mushinga anyi?

2 Samuele 19:34

Mukalenga Davide kumuambila ne: — Barzilayi, ndi nya nebe mu Yerushalayime. Meme ne nkulame bimpe, nkudisha.