Sefanya 3:2 - MUKANDA WA MYIDI MUKULU

² Kavua uteleja diyi dia Maweja-Nangila. Kavua witaba mibelu yende. Kavua utekemena Maweja-Nangila. Kavua ukeba diambuluisha kudi Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

² Kawakunvuila dî, kawakuitabusha diyisha. Kawakueyemena Yehowa, kawakusemena hehi ne Nzambi wau.

Sefanya 3:2 交叉引用

Yirmeya 22:21

Mvua mukubele, pavua bualu nansha bumue kabuyi buanji kuenzeka. Kadi wewe kuandamuna ne: “Tshiena musue kuteleja nansha.” Ke muuvua wenza misangu yonsu, biangatshile ku buana buebe! Kuena muteleje musangu nansha umue, bimvua nkuambila.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Yirmeya 32:33

Pa mutu pa kupingana kundi meme, badi amu bambenga. Eku meme mvua mbabela amu kubabela. Kadi muntu nansha umue kena muitabe, ki mmuteleje mene mibelu yanyi.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Yeshaya 43:22

Maweja-Nangila udi wamba ne: “Wewe Izrayele, tshisamba tshia Yakobe, kuena muntendelele to. Meme nkavua mukutonde!

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Nsumuinu 5:12

Newambe ne: “Eyi, mvua mubenge bivuabu bangambila. Tshivua muanyishe muvuabu bambela.

Misambu 78:22

Bualu bantu bende kabavua bamuitabe, kabavua bangata diambuluisha diende ne mushinga.

Misambu 73:28

Kuikala nebe pabuipi ndiakalenga dianyi. Maweja-Nangila, ndi ntekemena kuudi, mmanyisha bantu bionsu biudi muenze.

Misambu 50:17

Kuena muanyishe mibelu yanyi. Udi ubenga bindi ngamba.

Misambu 10:4

Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Yezekiyele 24:13

Yerushalayime we, udi munyanguke bua malu mabi auvua muenze. Mvua musue kukulengeja, kadi kuvua muanyishe to. Nanku, bua wewe kulengela, anu meme muanji kukunyoka ne tshiji tshianyi tshionsu.

Yirmeya 35:17

Yirmeya kuamba kabidi ne: — Ke padi Maweja-Nangila wa bukole buonsu, Mvidi Mukulu wa Izrayele wamba ne: “Nuenu bena Yuda ne bena Yerushalayime, nennutumine makenga onsu amvua mudianze kunumanyisha. Bualu mvua munubele, kadi kanuvua banteleje. Mvua munubikile, kadi kanuvua bitabe to.”

Yirmeya 35:13

— Mpindiewu, ambila bena Yuda ne bantu badi basombe mu Yerushalayime ne: “Maweja-Nangila wa bukole buonsu, Mvidi Mukulu wa Izrayele udi wamba ne: Kanuena mua kuitaba mibelu yanyi, kuteleja tshindi nnuambila anyi?

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

2 Timote 3:16

Bualu bionsu bidi mu Mikanda ya tshijila mbabifunde ne meji a Mvidi Mukulu. Bidi biambuluisha bua kulongesha bulelela, kubenga ntupakanyi, kulengeja bilema, kufikisha bantu ku nsombelu muimpe.

Yirmeya 13:25

Maweja-Nangila udi wamba ne: Yerushalayime, ke mudibu ne bua kukuenzela wewe kabidi. Bualu udi mundekele, mudifile kudi mvidie ya patupu. Teleja mundi musue kukunyoka.

Yezekiyele 22:24

— Yezekiyele, ambila bena Izrayele ne: ditunga dienu ndifuanangane ne buloba budi kabuyi bulokela mvula. Nebubutuke bua tshiji tshianyi, bu mudi buloba budi kabuyi bupeta mayi.

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.

Sefanya 1:6

Nembutule bonsu badi bambenga meme Maweja-Nangila, badi kabayi bakeba diambuluisha kundi, kabayi bankonka meji.”