Sefanya 2:1 - MUKANDA WA MYIDI MUKULU

¹ Nuenu badi kabayi ne bundu, elayi meji bimpe, nudikonke, nudilengeje,

Mukanda wa Nzambi Dihungila Dikulukulu ne Dihungila Dihia-dihia 2003

¹ Nudisangishe hohamue, e, nudisangishe hohamue, nuenu ba mu tshisamba tshidi katshiyi ne bundu;

Sefanya 2:1 交叉引用

Yowele 1:14

Nuele diyi bua bantu bajile biakudia, nubueje tshisangilu tshinene, nusangishe bakulu, ne bantu bakuabu bonsu ba mu ditunga, bafike mu nzubu wa Mvidi Mukulu wetu, bamusengelele bua atuambuluishe.

2 Kulondolola 20:4

Bena Yuda ba mu bimenga bionsu bia mu ditunga, kufika mu Yerushalayime, bua kulomba diambuluisha kudi Maweja-Nangila.

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Nehemya 9:1

Bena Izrayele kudisangisha mu matuku makumi abidi ne anayi a ngondu awu bua kujila biakudia. Bavua bavuale bilamba bikayapale, badilaba malaba mu mitu.

Nehemya 8:1

Dituku dia kumpala dia ngondu, kusangilabu bonsu mu Yerushalayime, pa muaba udi kumpala kua tshiibi tshia Mayi. Kulombabu mutuangaji Ezra, mumanyi mupiluke wa mikenji, bua kufika kumpala kuabu ne mukanda wa mikenji, ivua Maweja-Nangila mutumine bena Izrayele kudi Moshe. Ezra kuya ne mukanda awu, muaba uvua bena Izrayele basangile, balume, bakaji, ne bana bavua batantamane.

Matayi 18:20

Bualu, muaba udi bantu babidi nansha basatu badisangisha mu dina dianyi, meme ndi munkatshi muabu.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Yirmeya 6:15

Bantu aba kabena banyingalala to. Kabena ne bundu nansha bukese bua buenzavi buabu, kabena nansha bamanye kutonda bubi buabu. Nebabutuke pamue ne bantu bakuabu bonsu. Nebajimine musangu umue ne bonsu bandi nnyoka.

Yirmeya 3:3

Nanku meme Maweja-Nangila, ndi mubenge bua mvula kaloki nansha ku ntuadijilu nansha ku ndekelu kua tshidimu. Kadi, wewe ne tshitunu udi wenda amu tshiendenda, kuyi utonda bubi buebe.

Sefanya 3:5

Kadi Maweja-Nangila udi amu mu tshimenga etshi, bua kukosa nsambu pa yoyi, kumushamu malu mabi. Dinda dionsu udi ulumbuluisha bantu. Kadi nansha nanku, bantu babi badi amu benza malu mabi, kabayi ne bundu!