Rome 9:19 - MUKANDA WA MYIDI MUKULU

¹⁹ Bumue nenunkonke ne: “Kadi biobi bikale nanku, Mvidi Mukulu utshidi udiwula kabidi bantu bua tshinyi? Bualu udi mua kumufuila nkanana ku bidiye musue nnganyi?”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku neungambile ne, Nzambi utshidi utandishila bantu bualu kai? Bualu bua wakuanza kufunyina Nzambi ku disua diandi nganyi?

Rome 9:19 交叉引用

2 Kulondolola 20:6

Kutendelelaye, wamba ne: — Maweja-Nangila, Mvidi Mukulu wa bankambua betu, wewe udi musombe mu diulu. Bisamba bionsu bidi ku bumfumu buebe! Wewe udi ne bukole buonsu, kabidi ne bumfumu. Nanku, kakuena muntu udi mua kutua nkanana kumpala kuebe.

1 Korente 15:35

Bumue nenunkonke ne: “Kadi bafue nebabike ku lufu mushindu kaayi? Nebapete mibidi ya mushindu kaayi?”

1 Korente 15:12

Patudi tulongesha ne: Kristu mmubike ku lufu, mmunyi mudi bamue ba kunudi bamba ne: bafue kabakubika ku lufu?

Marke 14:21

Bulelela, Muana wa muntu neafue bilondeshile mudibu bafunde mu Mukanda wa tshijila bualu buende. Kadi muntu udi uyila Muana wa muntu tshitungu, mmuena dikasa dibi! Bivua kuikala bitambe buimpe bua kabaledi muntu awu to.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Yobe 9:19

Udi mumpite ku bukole, ndi mua kumuluisha anyi? Kadi yeye, ndi mua kumufunda ku kabadi anyi? Kadi udi mua kumbikidisha ku kabadi nganyi?

Genese 50:20

Nuenu nuvua ne meji a kungenzela bibi. Kadi Mvidi Mukulu uvua musue kukudimuna bibi abi bua bikale bimpe. Mvidi Mukulu uvua musue kupandisha bantu ba bungi, bu munudi numona lelu.

Yakobe 1:13

Padibu bateta muntu, kambi ne: “Mvidi Mukulu udi unteta.” Bualu kabena mua kuteta Mvidi Mukulu kudi bubi. Yeye mene kena uteta muntu nansha umue.

Rome 11:19

Kadi neungambile ne: “Bayua bakose matamba a mutshi aa, bua bandamike meme pa muaba wawu!”

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Yeshaya 29:16

Nudi bantu batshimbakane, panudi nuteka diima ne mudifumbi mulongu umue! Tshintu tshidibu benza kudi muntu, katshiena mua kuambila muntu ne: “Udi mungenze ki ngwewe to.” Luesu ludi mua kuambila mulufumbi ne: “Kuena mumanye mudimu wa ditumba anyi?”

Yakobe 2:18

Kadi padi muntu wamba ne: “Muntu umue udi ne ditaba, mukuabu udi wenza malu,” nemmuandamune ne: “Undeje mudi muntu mua kuitaba, kayi wenza malu. Nanku meme nenkuleje ku bindi ngenza mundi ngitaba.”