Rome 9:14 - MUKANDA WA MYIDI MUKULU

¹⁴ Nanku netuambe tshinyi? Netuambe ne: Mvidi Mukulu mmuena kansungasunga anyi? Nansha kakese!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku netuambe tshinyi? Malu mabi adi kudi Nzambi, anyi? Nasha kakese!

Rome 9:14 交叉引用

2 Kulondolola 19:7

Nunemeke Maweja-Nangila. Nudimuke bua binudi nuenza. Bualu Maweja-Nangila Mvidi Mukulu wenu, kena musue buenzayi, kansungansunga, nansha bintu bia mabuejila.

Misambu 145:17

Buakane bua Maweja-Nangila budi bumueneka, mu malu onsu adiye wenza. Bulenga buende budi budileja mu midimu yende yonsu.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Didimanyisha 16:7

Pashishe meme kumvua diyi difumina ku tshilambuilu, diamba ne: “Eyowa, Maweja-Nangila, Mvidi Mukulu wa bukole buonsu, udi ukosa nsambu mudiyi, mu bulelela!”

Misambu 92:15

Neukuame bimuma too ne pakulakajawu, newikale ne mayi, neushale mubishi,

Yobe 8:3

Udi muitabe bulelela ne: Mvidi Mukulu, udi mua kubenga malu makane anyi? Wa bukole buonsu udi mua kupanga kulonda meji mimpe anyi?

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Rome 3:1

Nanku muena Yuda utshidi mupite bakuabu ku tshinyi? Kuteka muntu panshi kutshidi ne mushinga anyi?

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Yobe 35:2

Yobe, paudi wambila Mvidi Mukulu ne: tshiena ne bualu, udi wenza bimpe anyi?

Luke 20:16

Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Rome 2:11

Bualu Mvidi Mukulu kena ne kansungasunga kudi bantu.

Rome 9:30

Nenku netuambe bishi? Bantu bavua kabayi bena Yuda, kabayi bakeba kubinga ku mesu kua Mvidi Mukulu, Mvidi Mukulu mmubabingishe kumpala kuende bua ditaba.