Rome 8:27 - MUKANDA WA MYIDI MUKULU

²⁷ Mvidi Mukulu udi utangila mu mioyi ya bantu, udi ujingulula bidi Mueyelu wa Tshijila musue kulomba. Bualu Mueyelu udi wakuila bantu ba Mvidi Mukulu mushindu udi Mvidi Mukulu musue.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nzambi, udi ukeba mu mitshima ya bantu, udi mumanye meshi a Nyuma ne, Udi Wakuila basanto bu mudi Nzambi musue.

Rome 8:27 交叉引用

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Rome 8:34

Nanku udi mua kubapisha nnganyi? Muntu nansha umue! Bualu Yezu Kristu mmufue, mubike kabidi. Udi ku dia bukole dia Mvidi Mukulu, utuakuila.

Bienzedi 1:24

Ke bonsu pamue kutendelela, bamba ne: — Mfumu, wewe udi mumanye muoyi wa muntu yonsu. Nanku ku babidi aba utuleje uudi musungule.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Bienzedi 15:8

Mvidi Mukulu udi mumanye mioyi ya bantu, mmuleje mudiye muanyishe bantu ba bisamba bikuabu, bualu mmubapeshe Mueyelu wa Tshijila mumue netu.

Misambu 44:21

Bu tuetu bapue Mvidi Mukulu wetu muoyi, bu tuetu batendelela mvidie mikuabu,

1 Tesalonike 2:4

Kadi tuvua bakule diba dionsu muvua Mvidi Mukulu musue. Bualu Yeye uvua muanyishe bituvua benze, mutufundile kabidi mudimu wa kumanyisha Lumu lua Disanka. Nanku katuena bakebe kusankisha bantu, kadi amu Mvidi Mukulu udi ujingulula meji adi munda muetu.

Matayi 6:8

Kanubidikiji to. Bualu Tatu wenu Mvidi Mukulu mmumanye bionsu binudi nabi dijinga, diambedi kanuyi banji kumulombabi.

Yirmeya 20:12

Wewe Maweja-Nangila wa bukole buonsu, udi mumanye muntu udi ukulamata. Udi ujingulula meji adi muntu nawu munda. Mvua muteke tshilumbu tshianyi mu bianza biebe. Nanku ndi musue kumona muudi unyoka bena lukuna banyi.

Yirmeya 11:20

Kadi wewe Maweja-Nangila wa bukole buonsu, udi ndumbulula udi ukosa nsambu pa yoyi. Udi mumanye malu onsu adi mu muoyi wanyi wa muntu. Ndi musue kumona muudi unyoka baluishi banyi. Bualu meme ndi mufile tshilumbu tshianyi mu bianza biebe.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

Yowanane 14:13

Nengenze bionsu binualomba mu dina dianyi, bua Muana amueneshe butumbi bua Tatu.

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Misambu 7:9

Maweja-Nangila, wewe mulumbuluishi wa bisamba, kosa tshilumbu tshianyi pa tshiotshi, leja buakane buanyi patoke ku bantu.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Rome 8:6

Kukeba bidi buntu buetu nkayabu bujinga, kudi kufikisha bantu ku lufu. Kadi kukeba bidi Mueyelu wa Tshijila musue, kudi kubafikisha ku muoyi ne ku ditalala.

Misambu 38:9

Bukole buonsu mbujimine, ngenda mukobame. Muoyi udi undubakana munda.

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Misambu 139:1

Musambu wa mulombodi wa bena misambu. Mu mukanda wa misambu ya Davide. Maweja-Nangila, udi mujingulule muoyi wanyi, udi mummanye: