Rome 7:24 - MUKANDA WA MYIDI MUKULU

²⁴ Ndi muena dikasa dibi. Udi mua kunsulula ku mubidi ewu udi umfikisha ku lufu nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Ka meme muena majia! Wansulula ku mubidi wa lufu elu, nganyi?

Rome 7:24 交叉引用

Rome 6:6

Tumanyayi bimpe bualu ebu ne: muntu utuvua kale awu wakafua ne Kristu ku mutshi mutshiamakane, bua mubidi wetu wa bubi ubutuke, bua katuikadi kabidi bapika ba bubi.

2 Timote 4:18

Mfumu neansungidile ku malu mabi onsu. Neambueje buludi mu Bukalenga buende bua mu diulu. Butumbi buikale kudi Mfumu kashidi! Amene.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

Misambu 102:20

Mu diulu mudiye, Maweja-Nangila mmuinangile, mutangile pa buloba. Ku nzubu wende wa tshijila udi utangila mesu ende panshi,

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’

Ebrewu 2:15

Uvua muenze nanku kabidi bua kupikula bonsu bayua bu bapika, matuku onsu avuabu panu, bualu batata batshina lufu.

Rome 8:26

Ke mudi Mueyelu wa Tshijila kabidi utuambuluisha, bualu tudi bena butekete. Katuena bamanye mutudi ne bua kutendelela, ne bitudi ne bua kulomba nansha. Kadi Mueyelu wende udi utulombela kudi Mvidi Mukulu, utua mikemu idi kayiyi yumvuika bu miaku ya bantu.

Rome 8:13

Bualu panuikala nukeba bidi buntu buenu nkayabu bujinga, nenufue. Kadi panuikala nubenga malu mabi onsu ku bukole bua Mueyelu wa Tshijila, nenuikale ne muoyi.

Luke 4:18

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Misambu 72:12

Neapikule muena dikenga udi umusengelela, kabidi ne mupele udi kayi ne mumuambuluishi.

Kolose 2:11

Panuvua badisange ne Kristu, Yeye uvua mumushe bukole bua bubi munda muenu. Ke muvuaye munuteke panshi; kadi ki mmushindu udi bantu batekangana panshi nansha.

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Mika 7:19

Neutufuile kabidi luse, kuyi uvuluka malu etu mabi. Bubi buetu neubuimanshe muinshi mua mayi manene.

Misambu 119:20

Muoyi wanyi mmusue kulonda mapangadika, audi muangate mu malu onsu.

Misambu 71:11

“Mvidi Mukulu kena kabidi nende ne bualu. Tumuipate, tumukuate, kakutshiena udi mua kumunyenga mu bianza bietu.”

Misambu 6:6

Meme mufue, tshiakukuvuluka kabidi to. Mu kandondu ka bafue wakutumbisha nnganyi?

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

Matayi 5:4

Bantu badi banyingalala, ke bena diakalenga, bualu Mvidi Mukulu neabasambe!

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Misambu 119:176

Ndi mupambuke bu mukoku mujimine; fika ungambuluishe meme muena mudimu webe, bualu tshiena mpua meyi ebe muoyi.

Misambu 119:143

Dibungama ne dikenga bidi binkuata, kadi meyi ebe ke disanka dianyi.

Misambu 119:131

Ndi nganyisha ne dijinga dionsu biudi wamba, bualu ndi njinga meyi ebe.

Misambu 88:5

Bantu bonsu badi bammona bu muntu mufue, bu muntu udi kayi ne bukole.

Misambu 38:2

Maweja-Nangila, kuena mua kumpisha, nansha wewe ne tshiji, kuena mua kunnyoka, nansha wewe mumfikile munda.

Rome 8:23

Kadi bifukibua kabiena bitua mikemu nkayabi nansha. Tuetu kabidi, bakadi bamane kupeta Mueyelu wa Tshijila bu dipa dia ntuadijilu dia Mvidi Mukulu, tudi tutua mikemu mundamunda, bindile ne: Mvidi Mukulu atuenze bana bende bua kashidi, atupikule mu bujima buetu.