Rome 7:12 - MUKANDA WA MYIDI MUKULU

¹² Nenku mikenji idi ya tshijila. Meyi ne mikandu bidi bia tshijila. Bidi bimpe, bitufundila bidi Mvidi Mukulu musue.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku mikenshi idi ya tshijila, ne mukenshi au udi wa tshijila ne udi muakane ne udi muimpe.

Rome 7:12 交叉引用

1 Timote 1:8

Tudi bamanye ne: mikenji idi mimpe, pikala muntu wenza nayi mudimu pa wowu.

Misambu 119:137

Maweja-Nangila, udi muakane, mapangadika ebe adi makane.

Rome 7:14

Tudi bamanye ne: mikenji mmifume kudi Mueyelu wa Mvidi Mukulu. Kadi meme ndi muena butekete, udi bubi busumba bu mupika wabu.

Misambu 119:172

Ludimi luanyi lutumbishe biudi wamba, bualu meyi ebe onsu adi makane.

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

Nehemya 9:13

Wewe kupueka mu diulu, kubambila malu ku mukuna wa Sinayi. Wewe kubamanyisha mikenji milenga, kubalongesha malu malelela, kubelela meyi ne mikandu bidi bilengelela bantu.

Dielulula 10:12

Bena Izrayele, tshidi Maweja-Nangila Mvidi Mukulu wenu utekemena kunudi ntshinyi? Mbua numunemeke, numutumikile, mununange, numuenzele mudimu ne muoyi wenu mujima, kabidi ne bukole buenu buonsu.

Dielulula 4:8

Ku bisamba bionsu, nansha bidi ne bantu bapite bungi, kakuena tshisamba tshidi ne mikenji mimpe, bu idi mu mukanda wa mikenji undi nnuleja lelu ewu.

Misambu 119:140

Muaku webe mmukumbaje mudimu wawu, ndi muunange meme muena mudimu webe.

Misambu 119:127

Ndi munange meyi ebe kumpala kua bintu bionsu, kumpala kua tshiamu tshia mpawungi wa menemene.

Misambu 119:38

Kumbajila muena mudimu webe, bionsu biuvua mulaye badi bakuitaba.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Rome 7:16

Pandi ngenza bindi tshiyi musue kuenza, ndi ngitaba ne: mikenji mmimpe.

Misambu 119:86

Meyi ebe onsu adi malelela. Bantu badi bandondakaja tshiyi ne bualu, ungambuluishe.