Rome 6:22 - MUKANDA WA MYIDI MUKULU

²² Kadi lelu mbanupikule ku bubi. Nudi nukuatshila Mvidi Mukulu mudimu. Ke munudi bantu ba tshijila, badi benza bidi Mvidi Mukulu musue. Ku ndekelu nenupete muoyi wa tshiendelele.

Mukanda wa Nzambi Dihungila Dikulukulu ne Dihungila Dihia-dihia 2003

²² Kadi katataka hanuakahikudibua ku bubi, ne hanuakavuishibua bahika ba Nzambi, nudi ne mamuma enu a ku dijidila dienu, kunshikidilu kua malu au mmuoyo wa tshiendelele.

Rome 6:22 交叉引用

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.

Rome 6:18

Bavua banupikule ku bubi. Nukadi bapika ba malu mimpe.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

Yowanane 8:32

Nanku nenumanye bulelela. Bulelela nebunuenze bantu badikadile.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

1 Korente 7:22

Bualu mupika uvua Mvidi Mukulu mubikile, mbamane kumupikula, bualu ukadi wa Mfumu. Momumue kabidi, muntu uvua kayi mupika diba divua Kristu mumubikile, ukadi mupika wa Kristu.

1 Petro 1:9

Bualu nenupete tshinudi nuipatshila mu ditaba dienu: ke lupandu lua mioyi yenu.

Ngalate 1:10

Nudi nuela meji ne: ndi nkeba bua bantu banganyishe anyi? Nansha! Ndi musue amu bua Mvidi Mukulu anganyishe! Ndi nkeba kusankisha bantu anyi? Bu meme nkeba kusankisha bantu, tshi vua mua kuikala muena mudimu wa Kristu to.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Rome 7:4

Bana hetu, bidi bia momumue kabidi buenu nuenu. Nudi bafue ku bidi bitangila mikenji, bualu nudi badisange mu mubidi wa Kristu. Mpindiewu nudi bantu ba muntu mukuabu, ba muntu uvua mubike ku bafue, bua tukuatshile Mvidi Mukulu midimu idi imusankisha.

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Danyele 3:26

Nebukadnesare kusemena pabuipi ne mushiku wa tshikutu tshia kapia kuela lubila lukole ne: — Shadrake, Meshake, Abede-Nego, batendeledi ba Mvidi Mukulu wa mu diulu, patukayi, luayi! Diakamue kupatukabu bonsu basatu mu kapia.

Misambu 143:12

Wewe muena bulenga buonsu, upuwishe baluishi banyi, ubutule bena lukuna banyi bonsu, bualu ndi muena mudimu webe.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

Filipe 4:17

Meme tshiena nkeba kupeta bintu. Kadi ndi njinga kusakidila ku binukadi nabi.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

2 Korente 3:17

Kadi Maweja-Nangila utudi tutela muaba ewu, ke Mfumu udi ukuata mudimu ku bukole bua Mueyelu wende. Muaba udi Mueyelu wa Mfumu, ke muaba utudi tuenza mutudi basue.

Rome 7:25

Tuelayi Mvidi Mukulu tuasakidila, bualu Yeye mmuenze nanku kudi Mfumu wetu Yezu Kristu. Nanku ndi nkuatshila mikenji ya Mvidi Mukulu mudimu ne lungenyi luanyi. Kadi mu bindi ngenza ne buntu buanyi butekete, ndi mupika wa mikenji ya bubi.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 15:2

Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

Yowanane 4:36

Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Matayi 19:29

Kabidi muntu yonsu udi ushiya mu dina dianyi nzubu yende, bana babu ba balume ne ba bakaji, tatuende, mamuende, bana badiye mulele, nansha madimi ende, neapete bipite misangu lukama. Neapete kabidi muoyi wa kashidi.

Matayi 13:43

Kadi bonsu badi bitaba Mvidi Mukulu, nebakenke bu diba mu Bukalenga bua Tatuabu. Badi ne matshi a kumvua nawu, basangana kumvua anyiee? Bumvuee!

Matayi 13:40

Bu mudibu bajula lupela bua kubiela mu kapia, ke muenzekabi dituku dia nshikidilu.

Misambu 92:14

Udi bu mutshi mukuna mu lubanza lua nzubu wa Mvidi Mukulu, udi udiunda mu nzubu mua Maweja-Nangila Mvidi Mukulu wetu.

Yobe 1:8

Maweja-Nangila kumuebeja ne: — Uvua mumone muntu wanyi Yobe. Pa buloba kapena muntu nansha umue udi mufuanangane nende to. Yeye ke muntu udi unnemeka, ungitaba. Udi muntu muimpe, mubenge malu mabi.

Dibadika 23:10

Kakuena udi mua kubala bungi bua bena Izrayele, kakuena udi mua kubadika ndelanganyi ya Yakobe! Ndi njinga kufua mudi bantu bakane aba bafua. Ndi musue kuikala nabu muaba umue.”

Genese 50:17

“Nuambile Yozefe mu dina dianyi ne: ufuile bana benu luse ku malu mabi onsu adibu bakuenzele.” Ke pavuabu bamulomba ne: “Utufuileku luse, bualu tudi tutendelela Mvidi Mukulu umue wa tatuebe Yakobe.” Yozefe umvua miaku ayi, kuasaye muadi.

Didimanyisha 7:13

Umue wa ku bakulu uvua unkonka ne: — Bantu badi bavuale mintumpu mitoke aba mbanganyi? mBafume penyi?

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

Danyele 6:20

Patshiatshia, pakavua panshi patoke, mukalenga wa bakalenga kujuka, kuya lukasa ku buina bua nyama ya ntambue.

Misambu 86:2

Ndi umue wa ku bantu bebe badi bakulamate, undame. Ndi muena mudimu webe, ndi ntekemena kuudi, unsungidile wewe Mvidi Mukulu wanyi.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.