Rome 3:31 - MUKANDA WA MYIDI MUKULU

³¹ Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Nunku tudi tivuisha mikenshi ne, Nya tshianana bua ditabusha, anyi? Nasha kakese! Tudi kujadika mikenshi.

Rome 3:31 交叉引用

Ngalate 2:21

Tshiena mubenge bua Mvidi Mukulu annange nansha. Kadi pikala Mvidi Mukulu utubingisha, bualu tudi tukumbaja mikenji, nanku Kristu kavua ne bua kufua nansha.

Matayi 5:17

— Kanuedi meji ne: ndi mulue bua kubenga mikenji ya Moshe, nansha dilongesha dia bambi. Tshiena mulue kubibenga, kadi kubikolesha.

1 Korente 9:21

Momumue kabidi, pandi muaba udi bantu kabayi bamanye mikenji ya Moshe, ndi nsomba mudibu basomba bobu, tshiyi ndama mikenji, bua kufikisha bantu aba kudi Kristu. Kadi tshiena musue kuamba ne: ndi mbenga mikenji ya Mvidi Mukulu to. Mikenji indi ndama meme nya Kristu.

Rome 10:4

Bualu Kristu mumane kufika. mikenji ya Moshe kayena kabidi njila wa kuya kudi Mvidi Mukulu to. Nanku mpindiewu badi Mvidi Mukulu ubingisha, ke bonsu badi bitaba.

Rome 8:4

Mvidi Mukulu uvua muenze nanku, bua tukumbaje bidi mikenji itufundila, tuetu badi kabayi balonda kabidi bidi buntu buetu bujinga, kadi bidi Mueyelu wa Tshijila musue.

Ngalate 2:19

Kadi bua bidi bitangila mikenji, ndi mufile lufu lunkebela kudi mikenji mene, bua ngikale ne muoyi bualu bua Mvidi Mukulu. Ndi mulue pamue ne Kristu ku mutshi mutshiamakane.

Rome 7:25

Tuelayi Mvidi Mukulu tuasakidila, bualu Yeye mmuenze nanku kudi Mfumu wetu Yezu Kristu. Nanku ndi nkuatshila mikenji ya Mvidi Mukulu mudimu ne lungenyi luanyi. Kadi mu bindi ngenza ne buntu buanyi butekete, ndi mupika wa mikenji ya bubi.

Rome 7:22

Mu kondu kanyi ka munda, ndi nsanka bua mikenji ya Mvidi Mukulu.

Rome 4:14

Pikala amu badi bakumbaja mikenji mua kupeta bilenga bivua Mvidi Mukulu mulaye, nanku ditaba kadiena ne mushinga to. Nansha dilaya mene dia Mvidi Mukulu didi patupu.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Matayi 15:6

muntu awu kena ne tshilumbu tshia kuambuluisha kabidi tatuende to.” Ke munudi nunyanga muaku wa Mvidi Mukulu, bua kukumbaja bibidilu bienu.

Matayi 5:20

Ndi nnujadikila ne: nenubuele mu Bukalenga bua mu diulu, amu panudi nutumikila ku mikenji ya Mvidi Mukulu, bapite balongeshi ba mikenji, ne Baparushe.

Matayi 3:15

Kadi Yezu kumuandamuna ne: — Kuanji kubenga to. Tuetu benze bionsu ebi, netukumbaje tshidi Mvidi Mukulu ulomba. Nanku Yowanane kuanyisha.

Yeshaya 42:21

Maweja-Nangila uvua musue kupandisha bantu bende. Ke pavuaye ubalongesha mikenji yende minene mimpe.

Misambu 119:126

Maweja-Nangila, diba ndikumbane dia wewe kuenza, mudimu webe wa kulumbuluisha, bualu bantu mbanyange mikenji yebe.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Luke 20:16

Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Rome 2:20

muudi muludiki wa badi kabayi bamanye malu, mulongeshi wa bana. Bualu udi mujadike ne: pandi mumanye mikenji ya Mvidi Mukulu, ndi mumanye malu onsu anu mudiwu mu bulelela.

Rome 3:6

Kabiena nanku nansha! Bualu bu Mvidi Mukulu mua kupila, mmunyi mudiye mua kulumbuluisha bukua panu?