Rome 3:20 - MUKANDA WA MYIDI MUKULU

²⁰ Kakuena muntu udi mua kubinga ku mesu kua Mvidi Mukulu, bualu muntu nansha umue kena ukumbaja bidi mikenji yamba. Mikenji idi yambuluisha amu bantu bua bamanye muyuabu benze malu mabi.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bualu bua kakuena muntu wabingishibua ku mesu kuandi bua kuenza kua mikenshi. Bualu bua ku mikenshi kudi kufuma dijingulula dia bubi.

Rome 3:20 交叉引用

Ngalate 2:16

Kadi tudi bamanye ne: Mvidi Mukulu udi ubingisha muntu, amu bua padiye witaba Yezu Kristu, ki mbua padiye ulonda mikenji ya Moshe nansha. Ke patuvua bitabe Yezu Kristu, tuetu kabidi bena Yuda, bua Mvidi Mukulu atubingishe bualu bua ditaba dietu mu Kristu, ki mbua patuvua bakumbaje mikenji. Bualu Mvidi Mukulu kakubingisha muntu nansha umue, bua padiye ukumbaja mikenji.

Bienzedi 13:39

Muntu yonsu udi umuitaba, neapete dijimija dia mibi yonsu, dinuvua kanuyi mua kupeta kudi mikenji ya Moshe.

Rome 3:28

Bualu tudi tuitaba ne: Mvidi Mukulu udi ubingisha muntu bualu bua ditaba diende, ki mbua padiye ukumbaja mikenji nansha.

Ngalate 2:19

Kadi bua bidi bitangila mikenji, ndi mufile lufu lunkebela kudi mikenji mene, bua ngikale ne muoyi bualu bua Mvidi Mukulu. Ndi mulue pamue ne Kristu ku mutshi mutshiamakane.

Rome 4:15

Bualu mikenji idi ijudija Mvidi Mukulu tshiji. Kadi muaba udi kauyi mikenji, dibenga kuitaba mikenji kadienaku to.

Rome 9:32

Bua tshinyi? Bualu kabavua bakeba kulengelela Mvidi Mukulu ku dimuitaba nansha. Bayua bela meji a kumulengelelaku midimu ivuabu benze. Nanku bavua batuute dikasa ku “dibue didi ditetula bantu,”

Rome 5:20

Mikenji mmifike bua bubi buvulangane. Kadi muaba uvua bubi butampakana, dinanga dia Mvidi Mukulu divua dipita kuelangana kabidi.

Rome 4:13

Mvidi Mukulu uvua mulaye Abrahame ne ndelanganyi yende ne: nenupete buloba. Kavua mumulaye dilaya edi, bualu Abrahame uvua mukumbaje mikenji nansha, kadi amu bualu Mvidi Mukulu uvua mumubingishe bua ditaba divuaye nadi.

Misambu 143:2

Ndi muena mudimu webe, kungashi tshilumbu, bualu kakuena muntu muakane ku mesu ebe.

Ngalate 5:4

Nuenu badi basue bua Mvidi Mukulu anubingishe bua panudi nulama mikenji, nudi babulukangane ne Kristu. Nudi babenge bua Mvidi Mukulu anunange.

Rome 5:13

Mvidi Mukulu kayi muanji kupesha Moshe mikenji, bubi bukavua pa buloba. Kadi bu muvua mikenji kayiyi mianji kuikalaku, Mvidi Mukulu kavua mupishe bantu to.

Misambu 130:3

Maweja-Nangila, wewe mutangile bilema bietu, udi mua kupanda nnganyi?

Rome 2:13

Bualu bantu badi basankisha Mvidi Mukulu ki mbadi bateleja mikenji patupu, kadi amu badi batumikila bidiyi ibafundila.

Yobe 15:15

Mvidi Mukulu kena mutekemene nansha kudi batumibue bende. Diulu ditshidi anu dimueneka bu didi ne mikiya ku mesu ende.

Rome 7:11

Ke meyi ne mikandu kupetesha bubi njila, bua bubi bundenduishe, bumfikishe ku lufu ku meyi ne mikandu mene abi.

1 Korente 15:56

Lufu ludi lupeta bukole bua kushipangana kudi bubi. Bubi budi bupeta bukole kudi mikenji.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.