Rome 3:19 - MUKANDA WA MYIDI MUKULU

¹⁹ Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Tudi bamanye ne, Mei onso adi mikenshi yamba, idi yâmbila badi munshi mua mikenshi, bua kubuikila mukana muonso, ne bua ba ha buloba bonso babueshibue munshi mua dilumbuluisha dia Nzambi.

Rome 3:19 交叉引用

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Rome 3:9

Kadi bualu ebu budi bishi? Tuetu bena Yuda tudi bapite bantu bakuabu anyi? Nansha kakese! Nkadi mumane kumvuija ne: bantu bonsu, ne bena Yuda, ne bantu ba bisamba bikuabu, badi ku bumfumu bua bubi.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Ngalate 5:18

Kadi padi Mueyelu unulombola, mikenji kayena kabidi ne bualu kunudi.

1 Korente 1:29

Nanku muntu nansha umue kena mua kuditemba kumpala kua Mvidi Mukulu.

Rome 3:23

Bonsu mbenze malu mabi. Bonsu mbabule butumbi bua Mvidi Mukulu.

Misambu 107:42

Bantu bakane badi bamona basanka, kadi bantu babi badi bapuwa.

Ngalate 4:21

Nudi basue kudienza bapika ba mikenji. Kadi kanuena bumvue tshidi mikenji eyi mene yamba anyi?

Ngalate 4:5

Ke muvuaye mupikule bavua mu bupika bua mikenji, bua tushale bana ba Mvidi Mukulu.

Rome 1:20

Bualu katshia Mvidi Mukulu ufuka buloba, bilenga biende bidi kabiyi bimueneka ku mesu, — nkuamba ne: bukole buende bua tshiendelele, ne bu-Mvidi Mukulu buende, — bidi bimueneka mu midimu ivuaye muenze. Ke muaba udi bantu mua kubimanya. Nanku badi bapila ku mesu kuende.

Yowanane 8:9

Bobu bamane kumvua miaku ayi, kulamukabu ku muntu ku muntu, bituadije ku bakulumpe. Yezu kushala nkayende pamue ne mukaji. Mukaji awu utshivua anu muimane kumpala kuende.

Yobe 5:16

Nanku bapela badi mua kutekemena tshiakabidi. Kadi benji ba malu mabi kabena mua kuakula kabidi to.

1 Samuele 2:9

Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Rome 3:2

Mushinga wa bionsu abi mmunene. Bangabanga bualu Mvidi Mukulu uvua mudianze kumanyisha bena Yuda miaku yende.

Yowanane 15:25

Kadi bidi bienzeka nanku bua miaku ikumbane idibu bafunde mu mukanda wa mikenji yabu ne: “Mbankine kapayi bualu.”

Misambu 63:11

Babatape ku muela wa mvita, bitalu biabu babidie kudi mibuabua!