Rome 14:6 - MUKANDA WA MYIDI MUKULU

⁶ Udi mumone ne: dituku kampanda ndinene dipite dikuabu, udi wenza nanku bua kunemeka Mfumu. Udi udia bionsu, udi ubidia bua kunemeka Mfumu, bualu udi wela Mvidi Mukulu tuasakidila padiye udia. Udi kayi udia bionsu, udi wenza nanku bua kunemeka Mfumu. Yeye kabidi udi wela Mvidi Mukulu tuasakidila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Udi uteka meshi andi ku dituku udi wateka nunku bua Mukelenge; ne udiadia, udiadia bua Mukelenge, bualu bua udi usakidila Nzambi. Ne udi kai udia, kena udia bua Mukelenge, ne udi Nzambi.

Rome 14:6 交叉引用

Matayi 15:36

Pashishe kuangataye mampa muanda mutekete awu, kabidi ne tushipa. Kuelaye Mvidi Mukulu tuasakidila, kukosololaye mampa ne tushipa, kupesha balongi bende. Bobu kuabanyina bantu.

Matayi 14:19

Pashishe kutumaye diyi, bua bantu basombe panshi mu bisosa. Ke kuangataye mampa atanu, ne minyinyi ibidi ya mu mayi. Kutangilaye mulu, wela Mvidi Mukulu tuasakidila. Kukosaye mampa, kuapeshaye balongi, bua baabanyine bantu.

Ngalate 4:10

Nudi nupita kunemeka matuku makuabu, ngondu, mivu, ne bidimu.

Yowanane 6:28

Ke bantu kumukonka ne: — Kadi tuenze tshinyi bua kukumbaja malu adi Mvidi Mukulu musue?

Yeshaya 58:5

Dijila dia biakudia dia mushindu ewu, ke dindi musue meme anyi? Ke dituku dia kudipuekesha dindi mua kuanyisha meme anyi? Kuinyika mutu bu dilenga, kuvuala bilamba bia madilu, kulala mu lupuishi, ke dituku dinudi nuenu nuamba ne: ndia tshijila anyi? Ke dituku dinudi nuela meji ne: didi disankisha meme anyi?

Ekesode 16:25

Moshe kuambila bena Izrayele ne: — Nudie biakudia ebi lelu. Kanuakupeta bikuabu pa mbelu to. Bualu lelu ndituku dia Dikisha dia Maweja-Nangila.

Ekesode 12:42

Bu muvua Maweja-Nangila mutshishe butuku abu bua kupatula bantu bende mu Ejipitu, ke mudi bena Izrayele pabu, ku ndelanganyi ne ndelanganyi, mua kutshisha dituku adi bua kuvuluka dipatuka diabu mu Ejipitu, bualu ndituku dia tshijila.

Ekesode 12:14

“Nuenu ne ndelanganyi yenu yonsu nuikale nuvuluka dituku edi. Nungenzele meme Maweja-Nangila tshibilu. Mukenji ewu ushale kashidi.”

Zekâya 14:21

Ngesu yonsu idi mu Yerushalayime, ne mu ditunga dia Yuda, neyikale bintu bia tshijila bia Maweja-Nangila wa bukole buonsu. Bantu bonsu badi bavua kufila milambu yabu, nebangate ngesu ayi, bua kuipikilamu minyinyi ya milambu. Pafika dituku adi, kakuakuikala ngenda mushinga kabidi mu nzubu wa Maweja-Nangila wa bukole buonsu.