Rome 14:10 - MUKANDA WA MYIDI MUKULU

¹⁰ Kadi wewe, udi ulumbuluisha muanenu bua tshinyi? Wewe mene udi upetula muanenu bualu kaayi? Tuetu bonsu netuimane kumpala kua Mvidi Mukulu, bua atulumbuluishe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Abu wewe, udi ulumbuluisha muanʼenu bua tshinyi? Anyi wewe kabidi, udi uhetula muanʼenu bua tshinyi? Bua buonso buetu netuimane ku mpala kua tshilumbuluidi tshia Nzambi.

Rome 14:10 交叉引用

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

Muambi 12:14

Bualu Mvidi Mukulu nealumbuluishe muntu yonsu pa malu ende onsu, nansha mempe nansha mabi, nansha masokome mene.

Rome 2:16

Lumu lua Disanka lundi ndongesha ludi luamba ne: dituku diakosa Mvidi Mukulu nsambu kudi Yezu Kristu, bionsu bidi bisokome mu mioyi ya bantu abi nebimueneke patoke.

Yowanane 5:22

Tatu kena ulumbuluisha muntu; kadi mmupeshe Muana bumfumu buonsu bua kulumbuluisha bantu,

Bienzedi 10:42

Yezu kututumina diyi dia kulongesha bantu, kubajadikila ne: Mvidi Mukulu mmumuteke bua kulumbuluisha badi ne muoyi, ne bafue.

Bienzedi 4:11

Bu mudi Mikanda ya tshijila yamba, Yezu ke: “Dibue dinuvua nuenu bibaki balekele, kadi didi dienza dibue dia mu ditumba, dishindika nzubu.”

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!

Luke 23:11

Erode ne basolayi bende batua baseka Yezu, bamupepeja. Kumutuadikabu tshilamba tshimpe tshitoke, kumupingaja kudi Pilate.

Muambi 11:9

Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Matayi 7:1

— Kanutangidi bantu bakuabu bu bantu babi, bua Mvidi Mukulu kanutangidi kabidi nanku.

Luke 18:9

Bantu bavua badifunyisha ne: tudi bakane ku mesu a Mvidi Mukulu, bapepeja kabidi bantu bakuabu, Yezu kubelela lusumuinu ne: