Rome 13:11 - MUKANDA WA MYIDI MUKULU

¹¹ Ke binudi ne bua kuenza, nangananga bualu nudi bamanye tshikondu tshitudi natshi. Diba ndimane kufika dia nuenu kujuka ku tulu bienu. Bualu diba dituvua babange kuitaba, lupandu luvua kule, mpindiewu lukadi pabuipi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nuenze malu â, bualu bua nudi bamanye tshikondo etshi ne, Diba diakumana kufika bua nuenu kubishibua ku tulu; bua katataka luhandu luetu ludi lutamba dituku dia dianjila kuitabusha kuikala ha buihi.

Rome 13:11 交叉引用

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

1 Korente 15:34

Mbimpe nupete tshiakabidi meji mempe. Lekelayi kuenza malu mabi. Bamue ba kunudi kabena bamanye Mvidi Mukulu to, ke bundu buenu!

Didimanyisha 22:20

Udi ujadika bulelela bua malu onsu aa, udi wamba ne: “Bushuwa, nkadi mu njila!” Eyo! Bikale nanku! Mfumu Yezu, vuaku!

Luke 21:28

Pikala malu onsu aa atuadija kuenzeka, nubanduluke, nukoleshe muoyi, bualu bakadi pa kunupikula.

Didimanyisha 22:12

Yezu kuamba ne: “Teleja! Nkadi mu njila! Nennutuadile mafutu enu. Nemfute muntu yonsu bilondeshile bivuaye muenze.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yona 1:6

Nanku, mulombodi wa bitshi ba buatu kusangana Yona mulale tulu, kumukonkaye ne: — Udi wenza tshinyi? Udi amu mulale tulu? Juka, ulombe webe nwidie, bumue udi mua kutuambuluisha, tupanduke ku tshipepele etshi!

1 Korente 10:11

Makenga awu avua mabakuate bua kutulongesha bualu. Bayua batufundilewu bua kutubela. Bualu tudi mu tshikondu tshia nshikidilu.

Matayi 16:3

Mu dinda, padi kulu kufikuluke, nudi nuamba kabidi ne: “Lelu mvula nealoke.” Nanku nudi bamanye mua kujingulula bidi bienzeka padi kulu kuandamuke. Kadi munudi kanuyi mua kujingulula bidi bienzeka matuku aa mbishi?

Yakobe 5:8

Nuenu kabidi nulame lutuulu, nukoleshe muoyi, bualu dituku didi Mfumu ufika dikadi pabuipi.

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.

1 Yone 2:18

Bana banyi, nshikidilu ukadi pabuipi! Nukadi bumvue ne: Muluishi wa Kristu neafike. Kadi mpindiewu baluishi bavule ba Kristu bakadi bapatuke. Ke patudi bamanye ne: nshikidilu ukadi pabuipi.

Didimanyisha 1:3

Muntu udi ubala mukanda ewu, mmuena diakalenga. Bantu badi bateleja miaku ya kudi muambi wa Mvidi Mukulu ewu, bakumbaja bidibu bafunde muaba ewu, badi kabidi bena diakalenga! Bualu bionsu ebi nebikumbane amu mpindiewu.

Didimanyisha 22:10

Pashishe kungambaye ne: — Kusokoki miaku ya muambi idi mu mukanda ewu, bualu tshikondu tshidi bionsu ebi ne bua kuenzeka tshikadi pabuipi.