Rome 12:9 - MUKANDA WA MYIDI MUKULU

⁹ Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Luse luikale kalui ne lubombo. Nukine malu adi mabi; nulamate malu adi mimpe.

Rome 12:9 交叉引用

Misambu 34:14

alekele kujanangana, alekele kushimangana,

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Tesalonike 5:21

Kadi kenketayi malu onsu, nulame adi mimpe.

Misambu 101:3

Tshiena mua kuteka tshintu tshibi ku mesu kuanyi. Ndi mubenge nsombelu wa bantu babi, kena mua kundamata.

Misambu 97:10

Nuenu badi banange Maweja-Nangila, nukine malu mabi. Maweja-Nangila udi ulama mioyi ya badi bamulamata, udi ubapandisha kudi bantu babi.

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

2 Korente 8:8

Tshiena nnuelela mukenji. Kadi ndi nnusonsola, nnuleja muvua bakuabu bakuata mudimu ne disuminyina, bua nuleje kabidi patoke munudi nunanga bantu.

1 Tesalonike 5:15

Enzayi muenu muonsu, bua muntu kapingajidi mukuende bubi ku bubi. Kadi nukebe diba dionsu munudi mua kuenzelangana bimpe, kuenzela kabidi ne bantu bakuabu bonsu bimpe.

2 Korente 6:6

Tudi tuleja mutudi tukuatshila Mvidi Mukulu mudimu, bualu munda muetu kamuena meji mabi. Tudi tukuatshila Mvidi Mukulu mudimu ku meji mimpe atudi nawu munda, ku dimanya dituvua bapete, ku lutuulu, ku muoyi wa kalolu, ku mapa atuvua bapete kudi Mueyelu wa Tshijila, ku dinanga dilelela ditudi tuleja bantu,

Ebrewu 1:9

Udi unanga bidi Mvidi Mukulu musue, ubenga bidiye ubenga. Ke pavua Mvidi Mukulu, Mvidi Mukulu webe mukujidile, mukuele manyi a tshijila a disanka pa mutu, mukusungule anu wewe, mubenge bena mulongu nebe.”

Misambu 119:104

Lungenyi luanyi ludi lufuma ku mikenji yebe, ke pandi mbenga malu onsu a dishima.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Misambu 119:163

Ndi mubenge dishima, ndi mudikine, kadi ndi munange mikenji yebe.

Nsumuinu 26:25

Nansha yeye muakule ne diyi dimpe, kumuitabi to. Bualu udi ne malu a kadiwu munda tente.

Misambu 55:21

Mulunda mubi udi uluisha balunda bende, upula ndondu uvuaye mutue nabu.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

1 Tesalonike 2:3

Katuvua banuitabijije bua kunubueja mu ntupakanyi. Katuvua bakebe bivua bitulengelela tuetu. Katuvua badinge muntu nansha umue.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Yowanane 12:6

Yudase kavua wamba nanku bualu uvua usumpakena bapele to. Kadi uvua muivi. Uvua mulami wa tshibutshilu, wiba bivuabu batekamu.

Misambu 45:7

Nkuasa webe udi mushindama kashidi, amu bu mudi nkuasa wa Mvidi Mukulu. Udi ulombola bukalenga buebe ne buakane.

Matayi 26:49

Ke Yudase kufika diakamue kudi Yezu, umuela muoyi: — Mfumu, muoyi awu! Pashishe kumutuaye mishiku.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.