Osheya 3:2 - MUKANDA WA MYIDI MUKULU

² Nanku, meme kuangata mukajanyi tshiakabidi, ku nkanu dikumi ne itanu ya tshiamu tshitoke tshia mushinga mukole, ne ku litre 600 ya ntete ya orje.

Mukanda wa Nzambi Dihungila Dikulukulu ne Dihungila Dihia-dihia 2003

² Nunku nakamusela ku bituha bia argent dikumi ne bitanu, ne ku homer ne tshituha tshia hankatshi tshia homer bia matete a orge.

Osheya 3:2 交叉引用

Yezekiyele 45:11

Nuangate “efa” bua kupima ntete ya kuenza bukula, “bate” bua kupima bintu bia muendundu, kadi bidi ne bua kuikala bunene bumue bua tshia dikumi tshimue tshia “omere.” Omere ke tshipimu tshiudi ne bua kukuata natshi mudimu bua kujadika bunene bua bipimu bikuabu.

Lewitiki 27:16

“Padi muntu musue kulambula Maweja-Nangila budimi bumue bua ku madimi ende, mushinga wabu udi ulondeshila bungi bua bintu bidibu mua kukunamu. Padi budimi bukumbakana bua kukuna ntete ya orje kilo nkama isatu, mushinga wabu newikale wa nkanu ya tshiamu tshitoke tshia mushinga mukole makumi atanu.

Genese 34:12

Nundombe biuma bungi buonsu bunudi basue, ne bintu bikuabu bidi mua kunusankisha. Nemfile bionsu bua ngangate anu nsongakaji ewu, ikale mukajanyi.

Yeshaya 5:10

Budimi bua mvinyo bua metre nkama isatu, kabuena bupatula litre makumi atanu ya maluvu to. Muntu udi umiamina kilo makumi atanu ya ntete, neanowe kilo amu dikumi.”

1 Samuele 18:25

Ke Shawule kubatuma ne: — Ambilayi Davide ne: “Mukalenga Shawule kena ukulomba lupetu lua tshibidilu bua dibaka edi to. Kadi, udi ukulomba anu makoba lukama a misosu ya bena Peleshete, bua kusombuelaye baluishi bende.” Shawule uvua wela meji ne: ke mudibu mua kushipa Davide kudi bena Peleshete.

Ekesode 22:17

“Mukaji muena mupongu, numushipe.

Genese 31:41

Tudi nebe kukadi bidimu makumi abidi. Ndi mukuenzele mudimu bidimu dikumi ne binayi, bua kusela bana bebe ba bakaji babidi, pashishe bidimu bisambombu bikuabu bua kupeta bimuna. Kadi wakashintulula difutu dianyi misangu dikumi.

Rute 4:10

Ndi mpiana kabidi Rute, muena Mowabe, uvua mukaji wa Malone, udi ushala mukajanyi. Nanku bintu nebishale mu dina dia mufue. Nanku dina diende kadiakujimina. Nebashale baditela mu bisombelu ne mu diabu ditunga.

Osheya 3:3

Meme kuambila mukajanyi ne: “Ushale nanyi muaba ewu, kuyi wenda tshiendenda, kuyi unanga mulume mukuabu. Meme kabidi tshiakukubuelela mu nzubu to.”