Obadya 1:8 - MUKANDA WA MYIDI MUKULU

⁸ Nanku meme Maweja-Nangila ndi ngamba ne: Dituku dingafika munda, nembutule bena meji badi mu Edome. Tshiena nshiya muena lungenyi nansha umue, pa mikuna ya Esawu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa udi wamba ne, Tshiena nshiha bena meji ba mu Edome dituku adi, anyi? Tshiena ngumusha bajinguludi ba malu ku mikuna ya Esau, anyi?

Obadya 1:8 交叉引用

Yeshaya 29:14

Kadi nengenze kabidi malu adi atshikemesha. Meji a bena meji batshi, neashikile. Lungenyi lua bena lungenyi batshi, nelujimine.”

Misambu 33:10

Maweja-Nangila udi utupakaja ngenyi ya bukua bisamba, upumbisha meji adi bantu bela.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Yeshaya 19:11

Balombodi ba mu tshimenga tshia Sowane, mbantu bapale. Bafidi ba ngenyi ba mukalenga wa bena Ejipitu, mbafile meji a tshianana. Kadi mmunyi mudi yonsu wa kunudi mua kuambila mukalenga wa Ejipitu ne: “Meme ndi muana wa muena meji, meme ndi lulelu lua mukalenga wa kale?”

Yeshaya 19:12

Mukalenga wa bena Ejipitu, bena meji bebe bepi? Bakulongeshe, bakumanyishe tshidi Maweja-Nangila muena bukole buonsu mujadike bua kuenzela ditunga dia Ejipitu!