Obadya 1:20 - MUKANDA WA MYIDI MUKULU

²⁰ Bena Izrayele ba ku mutu wa ditunga bayua bumuke mu bupika, bungi bu tshiluilu tshia bushiwa, nebakuate ditunga dia Fenisiya too ne tshimenga tshia Sarepta. Bena Yerushalayime bavua mu bupika mu Sefarade, nebakuate bimenga bia kuinshi mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bahika bakadi mu busalayi ebu bua Bena Isalele nebadiangatshile buloba buakadi nʼabu Bena Kanâna tô ne ku Salefata, ne ba mu Yelushalema bakadi mu buhika ku Sefalada nebadiangatshile misoko ya mu Sude.

Obadya 1:20 交叉引用

Luke 4:26

Kadi Mvidi Mukulu kavua mutume Eliya kudi mukaji mukamba nansha umue wa kudibu. Uvua mumutume anu kudi mukaji mukamba wa mu tshimenga tshia Sarepta mu ditunga dia Sidone.

Yirmeya 33:13

Mu bimenga bia pa mikuna, ne bia mu bibandabanda, mu bimenga bia mu Negebe, mu buloba bua Binyamine, ne mu bimenga bia Yuda, mbuji ne mikoku neyipitemu bungi. Mulami wayi neayilombole, ayibale. Ke mundi meme Maweja-Nangila ngamba.

Yirmeya 32:44

Eyowa, mu buloba bua Binyamine, bu buloba bua Yerushalayime, mu bimenga bia Yuda, mu bimenga bidi pa mikuna bidi mu bibandabanda, bidi mu Negebe, nebasumbe kabidi madimi, nebafunde mikanda ya disumba, nebatue tshitampi, nebabikile bantu bua bajadike bualu. Bualu nempingaje bantu mu ditunga diabu. Ke meme Maweja-Nangila udi wamba nanku.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Yirmeya 13:19

Biibi bia bimenga bia kuinshi mu ditunga, bidi binjila. Kakuena muntu udi ubikangula kabidi. Bualu bena Yuda bonsu mbamane kuya nabu mu bupika. Muntu nansha umue ki mmushale!”

Yirmeya 3:18

Diba adi, bena Yuda ne bena Izrayele nebumvuangane. Bonsu babidi nebafumine mu ditunga didi ku mutu kua dienu, bua kupingana mu ditunga dimvua mupeshe bankambua babu bua dishale diabu.

Yezekiyele 36:12

Nuenu bantu banyi, nennusombeshe miaba yonsu mu ditunga dienu. Ditunga dijima nedikale dienu, kabakununyenga kabidi bana benu to.