Obadya 1:17 - MUKANDA WA MYIDI MUKULU

¹⁷ Nanku bantu badi bashala ne muoyi, nebasombe mu Siyone. Mukuna wanyi awu newikale tshiakabidi wa tshijila. Ndelanganyi ya Yakobe, neyipingane mu ditunga diayi, divuabu babanyenge.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kadi mu mukuna wa Siona nemuikale tshisumbu tshia bantu bahanduke, ne wowo newikale wa tshijila, ne ba mu tshisamba tshia Yakoba nebahete buhianyi buabo kabidi.

Obadya 1:17 交叉引用

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.

Amosa 9:8

Maweja-Nangila Mvidi Mukulu udi utentekela ditunga dia Izrayele, didibu baludika kudi bakalenga bena tshibawu. Udi wamba ne: “Nengumushe bukalenga ebu pa buloba. Kadi tshiena musue kubutula ndelanganyi yonsu ya Yakobe nansha.

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Yirmeya 46:28

Maweja-Nangila udi wamba ne: Wewe Izrayele muena mudimu wanyi, kuikadi ne bowa to. Bualu ndi nebe. Nembutule bisamba bionsu, miaba yonsu imvua munutangalaje. Kadi tshiakukubutula wewe to. Bushuwa mvua anu ne bua kukunyoka, bualu tshiena mua kukutangila bu muntu udi kayi muena tshibawu!

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yeshaya 1:27

Tshimenga tshia Siyone netshishale ne bukole, amu padi bena Siyone banemekangana, bapingana kudi Maweja-Nangila, benzelangana bimpe.

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

Yirmeya 44:28

Anu bantu bakese nebashale ne muoyi, nebanyeme ku mvita ya mu Ejipitu, nebapingane mu ditunga dia Yuda. Nanku bena Yuda bikale bashale ne muoyi nebajingulule ne: muaku udi ukumbana nnguanyi meme anyi, peshi nguenu nuenu?

Yirmeya 44:14

Munkatshi mua bena Yuda bavua bashale, baye kusokoma mu Ejipitu, muntu nansha umue kakunyema, kupingana mu ditunga dia Yuda to. Nansha bobu bikale ne dijinga dia kupingana kuabu, anu bena Yuda bakese nebapanduke, bua bapingane mu ditunga diabu, basombemu.”

Yezekiyele 7:16

Bantu bikale bapanduke nebanyemene mu mikuna. Bu nyunyu ya nkudimba idi idila, nebatue mikemu bua bilema biabu.

Misambu 69:35

Diulu ne buloba, tumbishayi Mvidi Mukulu. Mayi manene ne bionsu bidimu, musamunayi.

Yeshaya 4:2

Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

Zekâya 8:12

Nentume ditalala mu buloba: mionji ya nwinyo neikuame tumuma, buloba nebumene biakudia, mvula neyiloke ya bungi. Bantu banyi badi bashale ne muoyi, nembapeteshe bintu ebi bionsu.

Yeshaya 65:9

Meme nemvudije bena tshisamba tshia Yakobe, ne bena diku dia Yuda. Bonsu aba bandi musungule, nebasombe pa mikuna yanyi minene, nebapiane ditunga. Bantu badi bandamate nebasemu nzubu yabu.

Yirmeya 31:23

Maweja-Nangila wa bukole buonsu, Mvidi Mukulu wa Izrayele, udi wamba ne: Pangapingaja bantu mu ditunga diabu ne mu bimenga bia Yuda, nebambe tshiakabidi ne: “Maweja-Nangila akuele lupemba, wewe mukuna wa tshijila wa Siyone, muaba udiye usomba!”

Yezekiyele 36:12

Nuenu bantu banyi, nennusombeshe miaba yonsu mu ditunga dienu. Ditunga dijima nedikale dienu, kabakununyenga kabidi bana benu to.

Danyele 7:18

Kunyima kuabu tshisamba tshia tshijila tshia Mvidi Mukulu, Muena kulu, netshiangate bukalenga. Netshibulame kashidi.’

Yowele 3:5

Nanku muntu yonsu udi utela dina dia Maweja-Nangila, nebamusungidile. Bualu bamue nebapanduke ku dikenga mu Yerushalayime ne pa mukuna wa Siyone, bu muvua Maweja-Nangila mumane kulaya. Ke bantu badiye usungidila, bua bapete muoyi.