Nsumuinu 8:12 - MUKANDA WA MYIDI MUKULU

¹² “Meme ndi Meji. Budimu ke bundi ngenda nabu. Ndi mumanye mua kujingulula malu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Meme, meji, ndi nvuisha budimu muaba wanyi wa kushikama, ndi mpeta lungenyi ne bukole bua kuhangidisha malu bimpe.

Nsumuinu 8:12 交叉引用

Yeshaya 28:26

Ke tshivua Maweja-Nangila wende mumuleje bua kuenza. Ke tshivuaye mumulongeshe.

Ekesode 35:30

Moshe kuambila bena Izrayele ne: — Maweja-Nangila mmusungule Beshalele, muana wa Uri, udi kabidi muikulu wa Ure, wa mu tshisamba tshia Yuda.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Nsumuinu 1:4

Nsumuinu idi ileja bantu badi kabayi banji kumona malu panu njila udibu mua kulonda; idi ilongesha bansongalume malu adibu ne bua kuelangana meji.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

1 Kulondolola 28:19

Davide kuamba ne: — Bionsu ebi bidi mu mukanda uvua Maweja-Nangila mumpeshe. Mu mukanda ewu, Maweja-Nangila mmumvuije ku tshintu ku tshintu munudi mua kuenza mudimu ewu.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Efeze 1:8

Uvua mutunange bikole. Ke muvuaye mutupeshe lungenyi ne meji, bua tujingulule bidiye wenza.

2 Kulondolola 13:14

Bena Yuda batangile panyima, kumonabu ne tudi ne bua kuluangana nseke ibidi. Kulombabu diambuluisha kudi Maweja-Nangila. Nanku, pavua batuangaji bela mpungi,

1 Kulondolola 28:12

Davide kupesha kabidi Shelomu dibeji di-vuaye muzole lubanza lua ku nzubu wa Mvidi Mukulu, ne bibambalu bivua binyungulula lubanza alu, bibambalu bivuabu ne bua kutekela bintu bia kukuata nabi mudimu mu nzubu wa Mvidi Mukulu, ne bikuabu bivuabu ne bua kutekela milambu ya kulambula Maweja-Nangila Mvidi Mukulu.

Nsumuinu 8:5

Nuenu batshidi batshimbakane, longayi munudi mua kupeta meji. Nuenu bapote, ikalayi ne lungenyi.