Nsumuinu 6:25 - MUKANDA WA MYIDI MUKULU

²⁵ Kualakanyi buimpe bua mukaji wa bende. Mesu adiye ukulenguila, kaakulobeshi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kusaminyi muoyo ku bulengele buandi nansha, yeye kakukuatshi mu buteyi ne kuvinya kua mesu andi.

Nsumuinu 6:25 交叉引用

Matayi 5:28

Kadi meme ndi nnuambila ne: muntu yonsu udi utangila mukaji wa bende, umualakana, mmumane kuenda nende tshiendenda mu muoyi wende.

2 Bakalenga 9:30

Yezabele kumvuaye lumu lua bionsu bivua bienzeka abi. Kudilabaye bilabu pa makiki, kudilengejaye bimpe. Yehu ufika mu Yizreyele, Yezabele kuimana ku dididishi, mutangile Yehu.

Yeshaya 3:16

Maweja-Nangila udi wamba ne: “Bakaji ba mu Yerushalayime badi ne ditambisha. Badi benda bela mitu mulu, bakenzakana kabayi bundu, benda balunduka badisua, badidisha nkanu yabu ya ku mikolu.”

Musambu wa Solomo 4:9

Paudi untangila musangu amu umue, muoyi ukadi untuuta bikole munda. Muanetu wa bakaji, mubangila wanyi, meme mutangile nansha kakanu kamue ka tudi tulengeja nshingu webe, tuengelela, kadi kankuata kashidi, kambueja mu nzubu wa lukanu.

Yirmeya 4:30

Kadi, wewe Yerushalayime, utshidi uvuala bilamba bikunze bimpe bua tshinyi? Utshidi uvuala bilengejilu biebe bia mpawungi, utshidi ulaba mishila pa makiki bua tshinyi? Udi mudilengeje tshianana. Bavua bakunange, mbamane kukubenga. Badi bajinga kukushipa.

Yezekiyele 23:40

Bavua batume kabidi mikenji bua kubikila bantu ba matunga a kule. Bantu abu bamane kupeta mukenji awu, kufikabu lukasa kudibu. Samariya ne Yerushalayime kuowa mayi, kudilengeja bualu buabu, kudilaba bilabu ku mesu, kuvuala bilengejilu.

Dielulula 5:21

“Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”

Yobe 31:1

Meme ne: tshiena mua kutangila nsongakaji, nansha kumualakana.