Nsumuinu 22:19 - MUKANDA WA MYIDI MUKULU

¹⁹ Ndi musue bua utekemene kudi Maweja-Nangila. Ke pandi nkulongesha kabidi malu lelu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bua dieyemena diebe dikale mu Yehowa, nakukumanyishau lelu eu, kûdi wewe mene.

Nsumuinu 22:19 交叉引用

Nsumuinu 3:5

Kulondi amu lungenyi luebe wewe nkayebe. Kadi utekemene muebe muonsu kudi Maweja-Nangila.

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

Yirmeya 17:7

Kadi muntu udi utekemena kundi, udi ukeba ditalala kundi, ndi mmuela lupemba.

Yeshaya 26:4

Tekayi muoyi wenu matuku onsu kudi Maweja-Nangila, bualu yeye udi Mvidi Mukulu wetu. Yeye neatukube kashidi.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Nsumuinu 22:20

Ndi mukufundile mibelu makumi asatu idi mua kukuelesha meji.