Nsumuinu 19:2 - MUKANDA WA MYIDI MUKULU

² Muaba udi kauyi dimanya, disuminyina kadiena ne bua nsongu. Kudia lukasa nkupia mukana.

Mukanda wa Nzambi Dihungila Dikulukulu ne Dihungila Dihia-dihia 2003

² Kembimpe bua mundi kuhanga lungenyi; udi wenda lukasa lukasa udi uhambuka mu nshila.

Nsumuinu 19:2 交叉引用

Nsumuinu 21:5

Muntu wa disuminyina, ukuata kabidi mudimu ne meji, udi upeta tshipeta. Kadi udi wenza malu mu tshipututuku, neabuele mu tshiyole tshia nzala.

Filipe 1:9

Ke pandi ntendelela Mvidi Mukulu, nnulombela bua nuye kumpala mu njila wa dinanga, nupete kabidi lungenyi, ne meji mimpe,

Nsumuinu 29:20

Wewe musangane muntu wakula kayi wela meji, mbimpe kutekemena kudi mutshimbakane pa mutu pa kutekemena kudiye.

Rome 10:2

Bualu ndi mua kubajadikila ne: badi ne disuminyina dikole, bakeba kuenza tshidi Mvidi Mukulu musue. Kadi disuminyina diabu adi kadiena dishindamena pa dimanya dilelela nansha.

Yowanane 16:3

Nebanuenze nanku, bualu kabavua bamanye Tatu, nansha meme.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Nsumuinu 28:20

Muntu wa muoyi umue mmuena diakalenga. Kadi udi uzukila amu bua kupeta biuma, kakupanga dinyoka nansha.

Muambi 12:9

Muambi uvua ulongesha bantu bivuaye mumanye, kayi upungila. Uvua mufunde nsumuinu ya bungi yeye mumane kujadika bulenga buayi.

Muambi 7:9

Kufiki munda lukasa, bualu tshiji mmudimu wa bantu bapote.

Nsumuinu 28:22

Muena lukuka udi ukeba kunema lukasa, kadi kena mumanye ne: udi udikebela bupete.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Nsumuinu 1:16

Bualu badi bipatshila bua kuenza malu mabi. Badi baluijakaja bua kuela mashi a bantu panshi.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yobe 31:5

Ndi muena dishima anyi? Ndi mudinge bantu anyi?

2 Bakalenga 4:39

Ke, muambi wa tshisumbu tshia bambi abu, kuya mu mpata bua kukeba biseki. Kusanganaye tshilowalowa tshilambile ku mutshi. Kupolaye bimuma biatshi bia kolokente, kudisuika mu tshilamba tshivuaye natshi. Upingana pambelu, kubikosololaye, kubiela mu luesu. Kadi muntu nansha umue kavua mumanye ne: mbimuma bia mushindu kaayi to.