Nsumuinu 16:8 - MUKANDA WA MYIDI MUKULU

⁸ Kupeta difutu dikese mu buakane, nkupita kuikala ne bintu bia bungi bipeta mu buenzayi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kuikala ne bintu bibale ne buakane kudi kuhita kuikala ne luhetu luvule ne kulumbulula kubi buimpe.

Nsumuinu 16:8 交叉引用

Nsumuinu 15:16

Mbimpe kuikala mupele udi uvuluka Maweja-Nangila, pa mutu pa kuikala muena biuma, kadi muikale ne dipampakana.

Misambu 37:16

Bikese bidi kudi muntu wa Mvidi Mukulu, mbipite mpetu mivule ya muntu udi umubenga.

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Mika 6:10

Ndi mua kutangila ne mesu patupu bantu babi, badi buwuja nzubu yabu, ne bintu bivuabu bapete ku dishima, ne ku bipimu bia buivi, bisendame, — ke bindi mbenga — anyi?

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Muambi 4:6

Kadi bidi bipite buimpe kuanji kuikisha pa mutu pa kukuata tshidimudimu katshiyi ne bua nsongu.

Nsumuinu 15:17

Mbimpe kudia matamba muaba udibu bakunanga, pa mutu pa kudia munyinyi wa manyi mukupa ne lukinu mu muoyi.

Nsumuinu 17:1

Bidi bimpe kudia tshipese tshia diampa diume ne ditalala, pa mutu pa kubuela mu didia dia tshibilu dienzela mu nzubu wa mutoyi.

Nsumuinu 28:6

Mupele udi ulonda njila wa buakane, mmupite mubanji udi ulonda njila mikonyangale.