Nsumuinu 1:28 - MUKANDA WA MYIDI MUKULU

²⁸ Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Hashishe nebambikile, kadi tshiena ngitaba; nebankebe ne lukunukunu, kadi kabena bansangana.

Nsumuinu 1:28 交叉引用

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Yakobe 4:3

Panudi nulomba, kanuena nupeta, bualu meji anudi nubilomba nawu, adi mabi. Nudi basue kubipeta bua kudisankisha amu nkayenu.

Zekâya 7:13

wamba ne: “Pamvua mubabikile bua benze mundi musue, kabavua basue kunteleja. Nanku pavuabu bambikila bua meme kubambuluisha, meme kubenga kabidi.

Yirmeya 11:11

Ke padi Maweja-Nangila wamba ne: “Ndi mbatumina dikenga bua kubabutula. Bobu bambikila musangu ewu bua kubambuluisha, tshiena mbateleja to.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Yobe 27:9

Padi dikenga dimukuata, yeye mutendelele Mvidi Mukulu, neamuteleje anyi?

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Misambu 18:41

Udi unyemesha baluishi banyi. Ndi mbutula badi nanyi lukuna.

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Yobe 35:12

Badi balomba diambuluisha bua kuluisha bena ditambisha, bantu babi. Kadi kena ututeleja nansha.

1 Samuele 8:18

Pashishe nenudidile Maweja-Nangila bua mukalenga unuikala badisunguile awu. Kadi Maweja-Nangila kakunuteleja to.

Nsumuinu 8:17

Ndi munange badi bannanga. Badi bankebelamu nebampete.

Genese 6:3

Kadi Maweja-Nangila kuamba ne: “Bua buenzayi bua muntu pa buloba, ndi nkepesha bidimu biende, bishale anu lukama ne makumi abidi, bualu muntu udi anu wa mubidi. Tshiena musue bua Mueyelu wa muoyi undi mumupesha ushale kashidi munda muende.”

Osheya 5:15

Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Misambu 66:18

Bu meme ne meji mabi munda, Mvidi Mukulu kavua mua kunteleja to.

Nsumuinu 15:29

Maweja-Nangila kena munange bantu babi. Kadi udi uteleja padi bantu bakane balomba.

Musambu wa Solomo 5:6

Meme kunzuluka munanga wanyi ku mbelu lubilu. Kadi ukavua mumane kuya. Kavua kabidi ku tshiibi. Mvua njinga bikole kumvua diyi diende. Meme kumuipatshila, kumukeba, kadi nansha meme kumumona. Meme kumubikila, kadi kavua mungitabe.

Osheya 5:6

Badi baya ne ngombe ne mikoku, bua kuyilambula Maweja-Nangila. Badi bakeba Maweja-Nangila, kadi kabakumusangana to. Bualu mmumane kubabenga.

Dielulula 1:45

Nuenu kupingana mu mitanda kudi Maweja-Nangila, kumudidila. Kadi kena mubumvue, nansha munuteleje to.

Misambu 18:42

Nansha bela mbila, muntu kena ubambuluisha. Nansha batendelela Maweja-Nangila, kena ubitaba.

Amosa 8:12

Nebalalakane eku ne eku, nebumuke kuinshi mu ditunga, nebaye luseke ludi diba dibuelela, nebende luseke lua ku mutu, bua kupingana luseke ludi diba dipatukila. Nebakebe amu kukeba mua kumvua, muaku wa Maweja-Nangila, kabayi baupeta.