Ngalate 3:8 - MUKANDA WA MYIDI MUKULU

⁸ Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu bua Mukanda wa Nzambi wakadianjila kumona ne, Nzambi neabingishe bantu ba bisamba bia bende ku ditabusha, wakadianjila kuambila Abalahama lumu luimpe ne, Bisamba bionso nebivudishibue disanka bua bualu buebe.

Ngalate 3:8 交叉引用

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 18:18

bualu ndelanganyi yende neikale tshisamba tshinene ne tshia bukole. Nengele bisamba bionsu bia pa buloba lupemba mu dina diende.

Ebrewu 4:2

Bualu bavua batumanyisha Lumu lua Disanka bu muvuabu batumanyishe bavua mu tshipeta. Bavua bumvua Lumu elu kabavua baluitabe.

Ngalate 3:22

Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Ngalate 3:16

Kadi Mvidi Mukulu mene mmulaye Abrahame, mulaye kabidi muntu wa ku ndelanganyi yende. Mikanda ya tshijila kayena yamba ne: “mmulaye ndelanganyi yende,” bu idi itela bantu bavule. Idi yambane: “mmulaye muntu wa ku ndelanganyi yebe.” Nanku idi itela amu muntu umue, ke Kristu.

Yowanane 7:38

Ke padibu bafunde mu Mikanda ya tshijila ne: “Misulu ya mayi a muoyi neyipueke munda mua muntu udi ungitaba.”

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Rome 9:30

Nenku netuambe bishi? Bantu bavua kabayi bena Yuda, kabayi bakeba kubinga ku mesu kua Mvidi Mukulu, Mvidi Mukulu mmubabingishe kumpala kuende bua ditaba.

Rome 9:17

Mu Mukanda wa tshijila Mvidi Mukulu udi wambila mukalenga wa bena Ejipitu ne: “Mvua mukuteke mukalenga bua kuleja bukole buanyi munda muebe, ne bua lumu luanyi lutangalake pa buloba bujima.”

Yeshaya 65:9

Meme nemvudije bena tshisamba tshia Yakobe, ne bena diku dia Yuda. Bonsu aba bandi musungule, nebasombe pa mikuna yanyi minene, nebapiane ditunga. Bantu badi bandamate nebasemu nzubu yabu.

Ngalate 4:30

Kadi Mikanda ya tshijila idi yamba ne: “Ipata mukaji mupika ewu ne muanende, bualu muana wa mupika kena mua kupiana pamue ne muana wa mukaji, udi kayi ku bumfumu bua muntu.”

Bienzedi 2:35

too ne pangateka baluishi bebe tshidiatshilu tshia makasa ebe.”

Yowanane 7:42

Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.

Yeshaya 6:13

Ku bantu dikumi, anu umue neapanduke ku tshinyangu. Yeye awu neabutuke kabidi. Neikale bu lutonga ludi lutoloka ku tshikuku tshia lusanga, nansha tshia mutshi wa terebinte. Nebaludie kudi nyama. Kadi tshikuku tshidi tshishala, netshisangule bantu badi banemeka Maweja-Nangila.

Misambu 72:7

Matuku adiye mu bukalenga, bakose nsambu amu pa yoyi. Bupole ne diakalenga bivulangane mu ditunga, too ne muajimina ngondu kashidi!

Yowanane 19:37

Mbafunde kabidi miaku mikuabu mu Mukanda wa tshijila ne: “Bantu nebatangile uvuabu batubule.”

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.