Nahume 1:5 - MUKANDA WA MYIDI MUKULU

⁵ Mikuna minene idi ikanka kumpala kuende, mikuna mikese idi itenkakana. Padi Mvidi Mukulu umueneka, buloba ne bonsu badi basombapu bidi bizakala.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mikuna minene idi ikanka ku mpala kuandi, mikuna mikese idi ivingutuka Buloba budi bubutuka ku mpala kuandi, buloba bujima ne bonso badi bashikamemu.

Nahume 1:5 交叉引用

Mika 1:4

Padiye upita, mikuna idi ilandakana, bibandabanda bidi bipanduluka, mudi mafuta enguluka ku kapia, mudi mayi apulumuka pa kakuna.

Yirmeya 4:24

Ndi mmona mikuna minene yupuka, mikuna mikese izakala.

2 Samuele 22:8

Ke buloba kuzakala. Bitaku bia diulu kunyunga. Diulu ne buloba kutenkakana, bualu Maweja-Nangila uvua ne tshiji.

Abakuke 3:10

Padi mikuna ikumona, idi izakala. Mvula udi uloka bikole, wenza nkoka pa buloba. Mayi manene adi ela tshiona bikole, mavuala abanda mulu bu mikuna.

Misambu 68:8

Mvidi Mukulu, pauvua uya kumpala kua bantu bebe, mudianjidile mu tshipela,

Balombodi 5:5

Mikuna minene kuzakala kumpala kuebe wewe, Maweja-Nangila wa ku mukuna wa Sinayi, Mvidi Mukulu wa Izrayele.

Misambu 114:6

Nuenu mikuna ne minene ne mikese, tshinudi nutupikila bu mbuji ya bimpanga, kabidi bu tuana tua mikoku ntshinyi?

Misambu 114:4

Mikuna minene kutupika bu mbuji ya bimpanga, mikuna mikese bu tuana tua mikoku.

Misambu 98:7

Mayi manene akungule ne bionsu bidimu, buloba kabidi ne bidi bisombapu.

Misambu 46:6

Mvidi Mukulu udi mu tshimenga etshi. Nanku kabena mua kutshibutula. Butuku kabuyi buanji kutshia, ukadi uvua kutshiambuluisha.

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Matayi 28:2

Diakamue buloba kuzakala bikole. Mutumibue wa Maweja-Nangila kutuluka mu diulu, kubunguluja dibue divua ku lukita ku luseke, kusombapu.

Matayi 27:51

Diba adi, tshilamba tshiyuabu balembeleje mu nzubu wa Mvidi Mukulu kupandikatshi kulu ne panshi bitupa bibidi. Buloba kuzakala, mbuebue kuela mitanta,

Didimanyisha 6:14

Diulu kujimina, bu mudi mateta ajimina, padibu bavunga mukanda. Mikuna ne bidiila bionsu kutentamuka miaba yabi.

Misambu 18:7

Dikenga kumpita, meme kubikila Maweja-Nangila, mmuela mbila bua angambuluishe. Maweja-Nangila mu nzubu kumvua diyi dianyi, muadi wanyi kufika kudiye.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Yeshaya 24:1

Maweja-Nangila neanyange buloba, neabushiye tshipela. Udi uvundulula buloba, utangalaja badi basombapu.

Yeshaya 24:20

Buloba nebulenduke bu muntu mukuatshike maluvu, nebutenkakane eku ne eku bu kazubu ka bisosa. Nebudishinde panshi, bualu mibi yabu mipite bujitu. Kabuena bujuuka kabidi to.

Yowele 2:10

Padi mpasu eyi isemena pabuipi, buloba budi buzakala, diulu didi dinyungakana, ngondu ne diba bidi bibuitshidila, mitotu kayena ikenka kabidi.

Zekâya 4:7

Kuambaye kabidi ne: “Mukuna munene ewu udi mua kukupangisha mua kukumbaja mudimu webe anyi? Zerubabele neaulandakaje. Neangate ku mukuna ewu dibue dia ndekelu dia kuteka ku musonga wa nzubu mupiamupia wa Mvidi Mukulu. Bantu nebele mbila ne: Kia! Nzubu bulenga nenku! Nzubu mulenga!”

Yobe 9:5

Udi mua kutula mikuna, kuyiteka muaba mukuabu kayi umanyisha muntu. Yeye ne tshiji, udi uyibondakaja.

Yobe 26:11

Padi Mvidi Mukulu utanda, makunji adi ambula diulu adi azakala, akatshila.

Misambu 18:8

Ke buloba kuzakala, kunyungakana, bitaku bia mikuna kutenkakana, kunyukakana, bualu bua tshiji tshia Maweja-Nangila.

Misambu 104:32

Paudi utangila buloba, budi buzakala, paudi utua mikuna munu, idi ifuima muinshi.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Yezekiyele 38:20

Minyinyi ya mu mayi manene, nyunyi ya mulu, nyama ya muitu, nyoka idi ilandala panshi, ne bantu bonsu badi pa buloba, nebizakale bionsu ne bowa kumpala kuanyi. Mikuna neyupuke, mbuebue neyivingutuke, bimana nebiupuke.

Amosa 9:5

Maweja-Nangila Mvidi Mukulu wa bukole buonsu, udi ulenga buloba amu ne munu, bukadi buzakala, bukadi bubanda, bupueka, bu mayi mu musulu wa Nile, bonsu badi basombamu badila muadi.