Nahume 1:4 - MUKANDA WA MYIDI MUKULU

⁴ Udi ukanyina mayi manene, uuma. Udi ukamisha misulu yonsu. Mpata mimpe ya mu Bashane ne mitshi ya mu mukuna wa Karmele bidi bifuba. Bilongu bidi pa mukuna wa Lebanone bidi bipopoka.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Udi ubulukila mai manene, udi wakandisha, udi ukamisha misulu yonso Bashana ne Kâmele bidi bifuba, lutonga lua mu Lebanona ludi lufubidila.

Nahume 1:4 交叉引用

Yeshaya 33:9

Ditunga didi mu madilu, diume, dilakata. Mikuna ya Lebanone idi ifubidila ne bundu. Mpata wa Sarone ukadi tshipela. Mu Bashane ne pa mukuna wa Karmele, mitshi idi idinyuka, mabeji apopoka panshi.

Misambu 106:9

Kukanyinaye mayi manene a Luepu, kukamawu diakamue, kupitshishaye bantu bende mu dijimba dile bu mudibu benda mu tshipela.

Yeshaya 51:10

Uvua mumishe mayi manene, bu mayi a lubuwa, ki ngwewe anyi? Uvua mupande njila munkatshi mua mayi manene, bua bantu bauvua musungidile bapitshilemu, ki ngwewe anyi?

Yeshaya 44:27

Udi utumina mayi manene diyi ne: ‘Kamayi’, udi umisha mayi, udi amu meme.

Misambu 114:5

Wewe mayi manene, tshiudi unyemena ntshinyi? Wewe musulu wa Yardene, tshiudi upingena tshianyima ntshinyi?

Misambu 114:3

Mayi manene amona bena Izrayele, kukosolokawu. Musulu wa Yardene kupingana tshianyima.

Misambu 104:7

Kadi pauvua muatandishe, wowu kunyema kuyawu lubilu, ku tshiona tshia mukungulu webe.

Misambu 74:15

Uvua mupatule mayi mu mpokolu ne mu tusulu, mumishe misulu minene ivua kayiyi mua kukama.

Matayi 8:26

Yezu kubakonka ne: — Tshinudi nutshina ntshinyi? Ditaba dienu ndikese ditambe! Ke Yezu kujuka, kukanyina tshipepele, ne mayi a dijiba. Kubatamabi bataa.

Amosa 5:8

Uvua muenze mitotu, tshidimina nzaji, mbua-nyama-ne-muntu. Udi ukudimuna midima, uyenza butoke bua mu dinda. Udi wandamuna munya, uwenza butuku. Udi ubikila mayi a mu mayi manene, wapuekesha pa buloba, ulokesha mvula. Dina diende Maweja-Nangila.

Amosa 1:2

Amosa kuamba ne: Maweja-Nangila udi wakula ne tshiji, ukungula bu ntambue. Diyi diende ndifumine ku mukuna wa Siyone, ku Yerushalayime, muaba udiye usomba. Mpata ya bisosa bivule idi ifuba yonsu. Ku lusongu lua mukuna wa Karmele, nansha metu mene adi uma.

Yezekiyele 30:12

Nengumishe misapa ya musulu wa Nile. Nemfile bena Ejipitu kudi bantu ba tshinyangu. Nentume bantu benyi abu bua kudinyanga, kudishiya munda mutupu, kuangata bionsu bidimu. Meme Maweja-Nangila ndi ngenzeja bionsu ebi.

Yobe 38:11

Meme kuambila mayi manene ne: “Neupueke too ne apa. Kusabuki kuaka nansha. Mavuala ebe adi adiela mulu awu, neimane apa.”

Genese 8:1

Mvidi Mukulu kuvuluka Nowa ne nyama yonsu minene ne mikese ivuaye nayi mu buatu. Mvidi Mukulu kutuma tshipepela pa buloba, mayi kutuadija kukepela.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

2 Samuele 22:16

Pavua Maweja-Nangila utanda, pavuaye ne tshiji tshikole, muinshi mua mayi kumueneka, bitaku bia buloba kudileja patoke.

Yeshaya 42:15

Nembutule mikuna minene ne mikese, nengumishe bisosa ne mitshi bidipu. Nengumishe misulu, ishale tshipela. Majiba a mayi neakame.

Yezekiyele 38:20

Minyinyi ya mu mayi manene, nyunyi ya mulu, nyama ya muitu, nyoka idi ilandala panshi, ne bantu bonsu badi pa buloba, nebizakale bionsu ne bowa kumpala kuanyi. Mikuna neyupuke, mbuebue neyivingutuke, bimana nebiupuke.

Misambu 18:16

Muinshi mua mayi kumueneka, bitaku bia buloba kupatuka, pavua Maweja-Nangila ukanyina baluishi bende, ubaleja tshiji tshivuaye natshi.