Muambi 9:5 - MUKANDA WA MYIDI MUKULU

⁵ Bualu bantu ba muoyi mbamanye ne: netufue. Kadi bafue bobu ki mbamanye kalu nansha kamue. Bafue kabena bindila kantu, bualu bakadi babapue muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua badi ne muoyo badi bamanye ne, Netufue; kadi bafue kabena bamanye bualu bumue, kabena ne difutu diabo kabidi; kabena babavuluka.

Muambi 9:5 交叉引用

Yeshaya 26:14

Bamfumu betu ba kale bakadi bamane kufua, kabena bapeta muoyi kabidi to. Badi amu bu mundidimbi, kabena bajuuka kabidi to. Bushuwa, wewe ke uvua ubanyoka, ubabutula. Muntu nansha umue kena mua kubavuluka kabidi to.

Muambi 1:11

Kadi tudi tupua muoyi bivua bienzekela bankambua betu. Nenku bitudi tuenza mpindiewu, nansha bidi ndelanganyi yetu ne bua kuenza maloba, nebabipue muoyi kabidi amu lukasa.

Misambu 6:5

Maweja-Nangila, kolesha, unsungidile. Umpandishe, bualu wewe udi mulenga mupite.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.

Yobe 14:21

Padibu bapesha bana bende lumu, kena mumanye bualu nansha bumue. Padibu babapepeja, kena umona to.

Muambi 2:16

Bionsu bidi bienzeka, badi babipua muoyi lukasa. Muntu wa meji udi ufua, anu mudi mupote ufua. Kadi bonsu babidi nebabapue muoyi. Bionsu ebi bidi bienzeka nanku bua tshinyi?

Misambu 109:15

Maweja-Nangila avuluke malu aa matuku onsu, umbushe tshivulukilu tshia bantu abu mu ditunga.

Muambi 8:10

Meme kumona bantu babi bavuabu bajika. Bantu babi abu bavua bayayaya pabu mu nzubu wa Mvidi Mukulu. Nanku bantu bakavua bamane kupua muoyi malu awa bantu babi aba benza mu tshimenga tshia Yerushalayime. Ebi bionsu kabidi bidi amu tshianana.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Muambi 7:2

Mbimpe kubuela mu nzubu wa madilu pa mutu pa kubuela muaba udi bantu badia bondoloka. Bualu lufu nnshikidilu wa muntu yonsu. Nanku bidi bilenga bua muntu yonsu amanye, kabidi avuluke bualu ebu.

Yobe 30:23

Ndi mumanye ne ukadi untuma ku bafue, muaba udi bonsu batshidi ne muoyi ne bua kusangila.

Muambi 9:4

Kadi amu muntu utshidi ne muoyi udi mua kutekemena. Nanku, mbua wa muoyi mmupite ntambue mufue.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

Misambu 88:13

Badi mua kumanya malu ebe a kukema mu miidima mikole anyi? Mu ditunga didi bantu bikale ne tshipua muoyi, badi mua kumanya buakane buebe anyi?

Luke 20:32

Ku ndekelu kua bonsu, mukaji awu kubatonda.