Muambi 9:18 - MUKANDA WA MYIDI MUKULU

¹⁸ Meji mmapite bia mvita. Kadi muena buenzayi umue udi mua kunyanga bilenga bidi meji atupetesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Lungenyi ludi luhita bintu bia nvita bukole; kadi muntu mubi umue udi unyanga malu makane a bungi.

Muambi 9:18 交叉引用

Yoshua 7:5

Bena Ayi kushipa bena Izrayele bu makumi asatu ne basambombu. Kulondakajabu bakuabu biangatshile ku tshiibi tshia ku tshimenga tshia Ayi too ne ku musoku wa Shebarime. Kupuekabu benda bipata bena Izrayele. Ke bena Izrayele kupampakana bikole, kuteketa mu maboku.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Muambi 9:16

Pa nanku, ndi njadika se: meji mmapite bukitu. Kadi bantu kabena bateleja mibelu ya muntu wa meji yeye muikale mupele. Badi bamupepeja.

2 Timote 3:8

Bu muvua Yanese ne Yambrese batombokele Moshe, ke mudi bantu abu babenga bulelela. Lungenyi lua bantu abu ndunyanguke. Ditaba diabu didi patupu.

Yoshua 22:20

Pavua Akane, wa ku ndelanganyi ya Zera, muenze tshilema tshinene, muangate bintu bikandika, Maweja-Nangila uvua mufikile bena Izrayele bonsu munda, mubakengeshe. Nuenu nudi bamanye bualu ebu! Kabidi, Akane kena mufue nkayende bua bubi buende to.

2 Bakalenga 21:2

Menashe kuenza malu avua Maweja-Nangila mubenge, kuenza ne malu mabi onsu a bantu ba bisamba bikuabu, bavua Maweja-Nangila muipate bua kushilabu bena Izrayele ditunga.

Muambi 2:13

Bushuwa ndi mumanye ne: meji mmapite bupote, mudi butoke bupite miidima.

Muambi 7:12

Adi asombesha bantu ne ditalala bu mudi lupetu luenza. Badi nawu nebasombe matuku mavule panu. Ke patudi ne tshilumbu tshia kuamanya.

1 Samuele 14:30

Bu bena mvita bonsu badie lelu bintu bivuabu banyenga baluishi babu, tuvua mua kuikala batshimune bena Peleshete bikole bipite.

Yobe 35:8

Bimpe nansha bibi biudi wenza, bidi biambuluisha nansha bikengesha anu bantu nebe.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Muambi 10:1

Njiji mifue idi ibolesha kalangi kajima ka manananshi. Nenku butshimbakane bukese budi bunyanga meji ne lumu bidi muntu nabi.

Muambi 10:10

Padibu kabayi banoona tshisuyi tshidi katshiyi tshitue, amu muntu wa dikanda udi mua kuenza natshi mudimu. Nenku meji adi apetesha muntu tshipeta.