Muambi 9:10 - MUKANDA WA MYIDI MUKULU

¹⁰ Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Muambi 9:10 交叉引用

Kolose 3:23

Nansha mudimu kaayi unudi nawu, nuwenze ne muoyi mujima, bualu nudi nuwenzela Mfumu, kanuena nuwenzela bantu to.

Efeze 5:16

Enzayi bimpe mu malu onsu adi anuenzekela. Bualu matuku atudi mmabi.

Rome 12:11

Nukazamuke, nukuate mudimu, nulekele lulengu. Nukuatshile Mfumu mudimu ne muoyi wenu mujima, kabidi ne disuminyina.

Misambu 6:5

Maweja-Nangila, kolesha, unsungidile. Umpandishe, bualu wewe udi mulenga mupite.

1 Korente 9:24

Nudi bamanye bimpe ne: mu manaya bonsu badi banyema, kadi amu umue udi upeta nsala wa kalumbandi. Nanku nyemayi bikole, bua numupete.

Muambi 11:6

Ke paudi mua kukuna dinda too ne dilolu kuyi wikisha. Bualu kuena mumanye kuwapetela tshintu, nansha ku mudimu wa dinda nansha wa dilolu, nansha ku yonsu ibidi.

Yirmeya 29:13

Nuenu bankebe ne muoyi wenu mujima, nenumpete, nennupingaje muenu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

1 Korente 9:26

Ke pandi nnyema, ntangila tshindi ngipatshila. Tshiena bu mututshianganyi udi wela dinkomu kua patupu.

Yowanane 9:4

Patutshidi mu munya, tudi ne bua kukuata midimu ya uvua muntume. Butuku bukadi pa kuila, budi muntu nansha umue kayi mua kukuata mudimu.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Muambi 11:3

Kudi mutshi mukubikile ke kudiwu ushadila. Padi mavuba muwule ne mayi, mvula udi uloka.

Nehemya 4:2

Kudisangishabu bonsu bua kuluisha bena mu tshimenga tshia Yerushalayime, ne kujula tshimvundu.

Nehemya 4:6

Bena Yuda bavua basombe pabuipi ne baluishi betu, kufikabu kutudi misangu bu dikumi, bua kutumanyisha ne: “Nudi ne njiwu, pinganayi kuetu.”

1 Kulondolola 22:19

Nenku, mpindiewu enzayi muenu muonsu bua kumanya tshidi Mvidi Mukulu wenu musue. Tuadijayi kuashila Maweja-Nangila Mvidi Mukulu wenu muaba wa tshijila. Nutekemu mushete wa ndondu wa Maweja-Nangila ne bintu bia tshijila bia Mvidi Mukulu.

1 Korente 16:10

Pikala Timote mufike, numuakidile bimpe muenu. Bualu udi ukuatshila Mfumu mudimu, mundi ngenza meme.

Nehemya 2:12

Tshiena muambile muntu malu avua Mvidi Mukulu wanyi mungambile, bua kuenza mu tshimenga atshi. Pashishe meme kujuka butuku ne kasumbu ka bantu balume. Tshivua muye ne nyama mukuabu to, anu nyama wa mpunde umvua mbanda.

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

Dibadika 13:30

Batentekedi bakuabu kudiwula Moshe. Kadi Kalebe kubapuwisha, wamba ne: — Tuyayi mu ditunga adi! Netutshimune bantu bonsu abu. Netubanyenge ditunga.

Genese 37:35

Bana bende ba balume ne bakaji kufika bua kumusamba. Yakobe kubenga, wamba ne: “Ndi ndila amu Yozefe too ne mungafua.” Ke muvua Yakobe mutungunuke ne madilu a muanende Yozefe nanku.

1 Samuele 10:7

Pikala bionsu ebi bienzeka, wewe neujadike bulelela ne: Mvidi Mukulu udi nanyi. Nanku, biangatshile tshikondu atshi, wikale wenza bionsu biudi mumone ne: mbikumbane.

Yobe 21:13

Bamane kulala panu ne diakalenga, badi bafua talalaa, babuela mu dijimba dia bafue.

Yeshaya 38:10

Mvua ngamba ne: ndi mfua, mulale panu amu tshia bibidi tshia matuku anyi. Ndi mbuela mu kandondu ka bafue, nkumbajamu matuku antshivua mua kulala panu.

Yobe 10:21

Nkadi makasa matangila mu ditunga dia bafue, dia miidima, tshiena mua kupingana panu to.

Yobe 10:22

Mu ditunga adi mudi amu miidima ne tshimvundu, nansha munya kabidi mmufuanangane ne butuku.

Nsumuinu 3:28

Padi muntu ukulomba tshintu tshiudi natshi, umupe. Kumulayi bua kupinganaye maloba.

Matayi 20:7

Bobu kumuandamuna ne: “Bualu muntu ki mmutuangate ku mudimu to.” Ke yeye kubambila ne: “Nanku nuenu kabidi nuye kukuata mudimu mu budimi buanyi bua nwinyo.”

Yowanane 5:4

Bualu mutumibue wa Maweja-Nangila uvua upueka meba makuabu mu dijiba amu, uvundulula mayi bikole. Mubedi uvua ubuela mu mayi kumpala pavuawu avunduluka bikole, disama diende divua dijika, nansha diodi dikole bishi.]