Muambi 7:20 - MUKANDA WA MYIDI MUKULU

²⁰ Mulengele kabula kalema, udi ne kende kamulamata.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bulelela, kakuena muntu muakane ha buloba utu wenza malu makane, kayi wenza malu mabi.

Muambi 7:20 交叉引用

Rome 3:23

Bonsu mbenze malu mabi. Bonsu mbabule butumbi bua Mvidi Mukulu.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

1 Bakalenga 8:46

“Kakuena muntu nansha umue udi kayi mua kuenza bibi. Padi bena Izrayele bakutombokela, misangu mikuabu udi mua kubafikila munda, kubafila mu bianza bia baluishi babu, bua baye nabu mu bupika mu ditunga dia pabuipi, nansha dia kule.

Nsumuinu 20:9

Muntu kena mua kuamba ne: “Tshiena ne tshilema nansha tshimue. Kondu ka munda muanyi kakena kangasa tshilumbu.”

2 Kulondolola 6:36

“Padi bena Izrayele bakutombokela, — bualu kakuena muntu nansha umue udi kayi mua kuenza bibi, — misangu mikuabu udi mua kubafikila munda, kubafila mu bianza bia baluishi babu bua baluishi babu abu baye nabu mu bupika mu ditunga diabu, nansha diodi dikale mutantshi mule.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Misambu 143:2

Ndi muena mudimu webe, kungashi tshilumbu, bualu kakuena muntu muakane ku mesu ebe.

Misambu 130:3

Maweja-Nangila, wewe mutangile bilema bietu, udi mua kupanda nnganyi?

Yobe 33:12

Kadi Yobe ndi nkuambila ne: udi mupile. Mvidi Mukulu mmunene mupite muntu, kena mua kusangana nende mpata to.

Lewitiki 13:39

mutuangaji neamukenkete. Padiye usangana makeji mikale ne mubidi muimpe, disama adi kadiena dikole to. Nanku muntu awu kena mupie mikiya to.

1 Samuele 20:34

Kujukaye ku mesa ne tshiji tshikole, kushiyaye bivuaye udia. Dituku adi dibidi dia tshibilu, Yonatane kena mudie tshintu nansha tshimue to. Bualu uvua ne dipampakana bua Davide uvuabu bapenda bikole kudi Shawule.

Misambu 14:1

Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Misambu 14:3

Kadi bonsu mbapambuke, bonsu mbena buenzayi, kakuena udi wenza tshidi Mvidi Mukulu musue.