Muambi 7:17 - MUKANDA WA MYIDI MUKULU

¹⁷ Kadi kulondi amu njila wa bubi, nansha wa bantu bapale. Tshianana udi mua kufua, diba diebe kadiyi dianji kukumbana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kuvudishi malu mabi; kuikadi muhote; udi musue kufua dituku dia lufu luebe kadiyi dianze kufika bua tshinyi?

Muambi 7:17 交叉引用

Nsumuinu 10:27

Badi batshina Maweja-Nangila badi balala matuku mavule pa buloba, kadi benji ba malu mabi badi badianza kufua lukasa.

Misambu 55:23

Teka bujitu bua pa makaya ebe mu bianza bia Mvidi Mukulu. Neakukankamike, kakuanyisha bua muntu wende apungile nabu.

Yobe 22:16

Bobu bakafua matuku abu kaayi manji kukumbana, amu bu tshimana tshidi mayi upula.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

Bienzedi 5:10

Safira kudishinda diakamue ku makasa a Petro, kukula muoyi. Bansongalume kubuela, kumusangana mufue. Kumuambulabu, kuya kumujika pabuipi ne bayende.

Bienzedi 5:5

Ananiyase umvua miaku eyi, kuponaye panshi, kufila. Bowa kukuata bantu bonsu bavua bumvua bualu ebu.

1 Samuele 25:38

Matuku dikumi mamane kupita, Maweja-Nangila kusangisha Nabale tshiakabidi, kufuaye.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.

Yezekiyele 16:20

Uvua muyilambule kabidi bana ba balume ne ba bakaji bautua mundelele. Wewe kubafila bua mvidie ibadie yukute. Kabitua bikumbane bua wewe kuenda tshiendenda tshiebe patupu anyi?

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

2 Samuele 6:20

Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

Bienzedi 16:28

Kadi Polu kumuela diyi muende muonsu ne: — Kudienzedi bibi nansha! Tuetu bonsu tudi apa!