Muambi 6:10 - MUKANDA WA MYIDI MUKULU

¹⁰ Bionsu bidi bienzeka lelu, mbamane kubijadika kale. Tudi bamanye kabidi muntu muende mudiye: kena mua kuelangana mpata ne udi mumupite makanda to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshintu tshionso tshidiku katataka tshiakamana kuidikibua dina diatshi kale; muntu udi mumanyibue kabidi, nunku kena mumanye mua kufuilangana ne udi mua kumuhita bukole.

Muambi 6:10 交叉引用

Yobe 9:32

Mvidi Mukulu kena muena mulongu nanyi, undi mua kuandamuna, bua tuetu kuya nende ku kabadi!

Yobe 40:2

Wewe udi musue kuelangana mpata pa malu adi Mvidi Mukulu wa bukole buonsu mulongolole anyi? Utshidi umuasa tshilumbu anyi? Neupuwe anyi, peshi utshidi ne bua kuandamuna ku bindi ngamba.

Yirmeya 49:19

Maweja-Nangila udi wamba ne: “Nengikale bu nyama wa ntambue, udi upatuka mu metu adi ku muelelu wa Yardene, uya muaba muimpe wa kuikishila mu tshipela, muaba utshidi ne biakudia. Nennyemeshe bantu bonsu badi muaba awu musangu umue. Mu ditunga dia Edome nenteke mukalenga undi musungule. Bualu, udi mutufuane meme nnganyi? Udi mua kungasa tshilumbu nnganyi? Mulombodi udi mua kuntuila nkanana udiku anyi?”

Muambi 3:15

Bidi bienzeka mpindiewu bikavua bimane kuenzeka kale. Bionsu abi Mvidi Mukulu udi ubipingaja misangu ne misangu. Bitshidi kumpala kabidi bikadi bimane kuenzeka.

Yobe 33:13

Tshilumbu tshiudi mumuase ntshilumbu kaayi? Bualu kena musue kuandamuna ku nkonku yebe anyi?

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Misambu 103:15

Matuku a muntu a panuapa adi bu tshisosa tshia mu budimi, tshidi tshiela nzeba,

Genese 3:9

Maweja-Nangila Mvidi Mukulu kubikila mulume, kumukonka ne: — Udi penyi?

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Muambi 6:11

Patudi tuelangana mpata, miaku yetu kayena itupetesha tshintu. Tshia nsongu tshituapetaku ntshinyi?