Muambi 4:14 - MUKANDA WA MYIDI MUKULU

¹⁴ Bualu nsongalume udi mua kupatuka mu lukanu kushala mukalenga, nansha yeye muikale muntu uvua ulomba tshia pa luse mu ditunga amu, pavua mukuabu mumane kubuela mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ nansha yeye muluhuke mu nsubu wa mashika bua kubuela mu bukelenge, nansha yeye muledibue mu bukelenge buandi.

Muambi 4:14 交叉引用

Genese 41:14

Mukalenga kubikidisha Yozefe. Kumupatulabu lukasa mu nzubu wa lukanu. Yozefe kubeya miedi, kushintulula bilamba, kuya kudileja kudi mukalenga.

Yobe 5:11

Bantu bavuabu bapuekeshe panshi, yeye udi ubabandisha kulu. Badi mu dibungama, yeye udi ubapingajila disanka.

Danyele 4:31

Nebukadnesare kuamba ne: — Bidimu muanda mutekete kupita, meme kutangila mu diulu. Meji anyi a bumuntu kumpingana. Meme kuela Mvidi Mukulu Muena kulu, udi ne muoyi tshiendelele tuasakidila. Meme kumutumbisha, ngimba butumbi buende. Bumfumu buende mbua kashidi. Bukalenga buende kabuena bujika.

Muadi 4:20

Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

2 Bakalenga 25:7

Kushipabu bana ba Sedekiya ba balume, tatuabu mutangile. Pashishe, Nebukadnesare kutonkona mesu a Sedekiya onsu abidi. Kumutumaye ku Babilone musuike mionji bikole.

2 Bakalenga 24:12

Ke mukalenga Yowakine kumuka mu tshimenga ne mamuende, balombodi ba bena mvita bende, bena mudimu bende bavua bamanyike bikole, kabidi ne bantu bonsu bavuaye mutekemene bikole. Yowakine kuya kudi mukalenga wa bena Babilone. Kadi, mukalenga wa bena Babilone kubela mu nzubu wa lukanu. Tshikondu atshi, Nebukadnesare uvua mumane kulala mu bukalenga bidimu muanda mukulu.

2 Bakalenga 24:6

Yowakime mumane kufua, muanende wa balume Yowakine kumupingana mu bukalenga.

Muambi 4:15

Ndi mmona mudi bantu bonsu bafuilakana nsongalume ukadi upingana pa mutu pa mukalenga uvua mu nkuasa.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.