Muambi 4:1 - MUKANDA WA MYIDI MUKULU

¹ Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nakatangila kabidi makenga onso adibo bakengesha nʼau bantu muinshi mua diba; monai binsonshi bia bakadi bakengeshibua kabayi ne musambi! Bakabakengesha bakadi ne bukole, bobo kabakadi ne musambi.

Muambi 4:1 交叉引用

Muambi 3:16

Telejayi mundi mumone kabidi malu makuabu adi panu: bantu badi bakengeshangana muaba uvuabu mua kulongolola malu bimpe, kukosa nsambu pa yoyi.

Muambi 5:8

Bivua mua kuikala bilenga bipite, kupeta mukalenga wa ditunga udi wambuluisha batshidime.

Yeshaya 5:7

Budimi bua mvinyo bua Maweja-Nangila muena bukole buonsu, ntshisamba tshia bena Izrayele. Mionji mimpe ivua imusankisha, ntshisamba tshia bena Yuda. Maweja-Nangila uvua mutekemene ne: bantu bende nebenzelangane bimpe, kadi badi amu bakengeshangana. Uvua mutekemene ne: bantu bende nebenze amu bidi bimpe. Kadi miaba yonsu, badibu bakengesha, badi badila amu miadi ya kanyinganyinga. (Tun. 8-24: 10.1-4)

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Yeshaya 51:23

Nendinuishe bavua banukengeshe, bavua banuamba ne: ‘Lalayi panshi, tunudiate.’ Nuvua ne bua kufila nyima yenu, kudi bantu aba bavua bendelapu, bu badi bapitshila mu njila.”

Misambu 42:9

Dituku dionsu Maweja-Nangila neangenzele bimpe. Butuku bujima nemmutumbishe, mmuele tuasakidila. Nentendelele Mvidi Mukulu, bualu kudiye ndi mpeta muoyi.

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Yobe 35:9

Padi bena tshikisu babakengesha bikole, bantu badi batua mikemu. Badi bela mbila bua bantu babambuluishe.

Yeshaya 59:7

Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Malaki 2:13

Bualu buibidi bunudi nuenza mbobu ebu: nudi nubolesha tshilambuilu tshia Maweja-Nangila ne binsonji; nudi nudila, nutua mikemu, bualu Maweja-Nangila katshiena utangila milambu yenu, katshiena wanyisha binudi numulambula.

Muambi 7:7

Padi muena meji ukengesha muntu, udi wenza amu bu muntu mupale. Mabuejila adi mua kumunyanga muoyi.

Nsumuinu 28:3

Muntu wa tshikisu udi ukengesha bapele, udi ufuanangana ne mvula wa tshipupu, udi unyanga biakudia mu mpata.

Misambu 142:4

Pandi nteketa mu maboku, wewe udi mumanye kundi nya. Bantu mbateya mu njila undi nyila.

Misambu 80:5

Maweja-Nangila, Mvidi Mukulu wa bukole buonsu, tshiji tshiebe netshijike diba kaayi? Bilondeshile mudi bantu bebe bakutendelela?

Misambu 69:20

Udi mumanye mudibu bampenda, bamfuisha bundu, bampetula; udi mumone kumpala kuanyi baluishi banyi bonsu.

Yobe 16:4

Bu nuenu bikale bu mundi emu, meme muikale munudi amu, mvua mua kuamba malu anudi nuamba nuenu. Mvua mua kunubela panyi ne nsumuinu mimpe. Mvua mua kunyukisha mutu.

Yobe 6:29

Kanumpishi, tshiena ne bualu to.

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Ekesode 1:16

— Panudi nulelesha bakaji ba bena Ebrewu, nutangile bimpe mushindu udi muana. Pikalaye wa balume numushipe, pikalaye wa bakaji numulekele ne muoyi.

Nsumuinu 19:7

Mupele badi bamukina kudi bana babu. Yeye mupete bualu bunene, balunda bende badi bamubenga. Padiye ubasengelela, badi baya.

Muambi 8:9

Mvua mukenkete bionsu bidi bienzeka pa buloba. Bantu bakese badi ne bumfumu, bakengesha bantu nabu.

Yirmeya 16:7

Muntu nansha umue kakufila biakudia mu nzubu wa madilu, nansha maluvu, bua kusamba badi mu madilu, nansha bobu badila tatu anyi mamu.

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Yobe 9:24

Padi ditunga mu bianza bia muena tshikisu, Mvidi Mukulu udi ufofamija mesu a bakoshi ba nsambu. Padiye kayi muenze nanku, mukuabu udi mua kuenza nanku nnganyi?

Misambu 69:21

Bipendu mbinsunsule muoyi, nkadi mushikile. Mvua mukebe uvua mua kumfuila luse, kadi tshiena mumupete. Mvua muindile uvua mua kunsamba, tshiena mumumone.

Misambu 142:5

Tangila ku nseke yanyi, umone: kakuena muntu udi undama, tshitshiena kabidi ne muaba wa kusokomena, kakuena muntu udi utangila buanyi bualu.

Nsumuinu 29:2

Padi bantu badi bitaba Mvidi Mukulu bavule, bantu badi ne disanka. Kadi muntu wa tshikisu yeye muangate bumfumu, bantu bonsu badi batua mikemu.

Muadi 1:17

Nansha Siyone muolole bianza, utendakena, kakuena muntu nansha umue udi mua kumusamba. Maweja-Nangila mmumane kutumina bena mutumba ne bena Izrayele diyi, bua bashale baluishi babu. Yerushalayime mmumane kubipa munkatshi muabu.

Amosa 3:9

Bandayi pa misaka ya nzubu ya bukalenga ya mu Asdode, tshimenga tshia bena Peleshete, ne ya mu Ejipitu, nuele mbila ne: “Disangishayi pa mikuna, pabuipi ne tshimenga tshia Samariya, bua nujadike mudi bena tshinyangu, bakengeshanganamu, bajula tshimvundu.”

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”