Muambi 3:19 - MUKANDA WA MYIDI MUKULU

¹⁹ Bualu ndekelu wa muntu udi amu wa momumue ne wa nyama. Mudi muntu ne mueyelu, nyama udi nawu. Bionsu bibidi bidi ne bua kufua momumue. Muntu kena mupite nyama ku tshintu nansha tshimue to, bualu ku ndekelu bionsu bidi tshianana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bualu bua malu adi akuata bana ba bantu adi akuata nyama kabidi; mufuafua umue mmufuafua mukuabo; bidi ne muhuya muomumue; bantu kabena bahita nyama buakane; malu onso adi hatuhu.

Muambi 3:19 交叉引用

Misambu 49:12

Nansha binyike maloba mena abu, nkita ke yabu nzubu ya kashidi, muaba udibu balala tshiendelele.

Misambu 49:20

kadi neafue, neaye kumonangana ne bankambua bende, badi bashala mu miidima kashidi.

Muambi 2:16

Bionsu bidi bienzeka, badi babipua muoyi lukasa. Muntu wa meji udi ufua, anu mudi mupote ufua. Kadi bonsu babidi nebabapue muoyi. Bionsu ebi bidi bienzeka nanku bua tshinyi?

Muambi 2:14

Bualu muntu wa meji udi mumanye kudiye uya. Kadi mupote udi wenda ububuta. Kadi ndi mumanye kabidi ne: bonsu babidi badi ne nshikidilu wa momumue.

Misambu 104:29

Paudi usokoka mpala webe, bidi bitshina, paudi ubinyenga mueyelu, bidi bifua, bipingana lupuishi kabidi.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

Dibadika 16:29

Pikala bantu aba bafue lufu lua patupu mudi bantu bonsu bafue, nanku nenujadike ne: Maweja-Nangila kena muntume to.

Muambi 7:2

Mbimpe kubuela mu nzubu wa madilu pa mutu pa kubuela muaba udi bantu badia bondoloka. Bualu lufu nnshikidilu wa muntu yonsu. Nanku bidi bilenga bua muntu yonsu amanye, kabidi avuluke bualu ebu.

Muambi 9:2

Bidi nanku bua bantu bonsu, bua muntu muakane ne bua muntu mubi, bua muntu udi ne mikiya ne bua udi kayi nayi, bua udi utendelela Mvidi Mukulu ne udi kayi umutendelela, bua udi ulambula Mvidi Mukulu ne udi kayi umulambula milambu, bua muntu wa muoyi mukezuke ne muntu muena malu mabi, bua udi ulaya Mvidi Mukulu malaya ne udi kayi walaya.

Muambi 9:12

Bualu muntu kena mumanye diba didi dikenga dimukuata to. Udi umona dikenga dimukuata mu mpukapuka, amu mudi mushipa upia ku bukondu nansha nyunyi uditua mu nsumba.

Misambu 49:13

Bualu muntu, nansha yeye ne bintu bia bungi, kena ushala kashidi pa buloba. Neabutuke amu bu nyama.

Muambi 1:14

Meme kumona bionsu bidi bienzeka pa buloba. Bionsu ebi bidi patupu, bidi amu bu kuipatangana ne lupepele.

Muambi 1:17

Mvua nkeba mua kujingulula mudi malu mashilangane ne butatakane, mudi lungenyi lushilangane ne bupote. Kadi meme kumona ne: bionsu bindi ngenza bidi amu bu kuipatangana ne lupepele.