Muambi 3:14 - MUKANDA WA MYIDI MUKULU

¹⁴ Mvua mujingulule ne bionsu bidi Mvidi Mukulu muenze, kabiena biandamuka to. Kakuena tshidibu mua kusakidila nansha kumusha. Mvidi Mukulu udi wenza nanku bua bantu bamunemeke.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ndi mumanye ne, Malu onso adi Nzambi wenza neajalame tshiendelele; kabena bamanye mua kusangisha tshintu ha mutu, kabena bamanye mua kumushaku tshintu; Nzambi wakenza nunku bua bantu bamutshine.

Muambi 3:14 交叉引用

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Misambu 33:11

Kadi bulongolodi bua Maweja-Nangila mbua kashidi, meji ende adi ashala tshiendelele.

Rome 11:36

Bualu bionsu bidi bifuma kudiye. Bionsu bidiku ku bukole buende, kabidi bualu buende. Mvidi Mukulu atumbe kashidi tshiendelele! Amene.

Bienzedi 5:39

Kadi pikalabi bifuma bulelela kudi Mvidi Mukulu, kanuakubibutula nansha. Dimukayi: pamue apa nudi nuluisha Mvidi Mukulu! Bena Tshipangu bonsu kuanyisha lungenyi lua Ngamaliyele alu.

Nsumuinu 30:6

Kusakididi muaku nansha umue ku miaku yende. Tshianana neakutandishe, neakuleje muudi muena dishima.”

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Efeze 3:11

Mvidi Mukulu uvua muenze nanku, bilondeshile meji ende a kashidi, avuaye mukumbajile kudi Yezu Kristu Mfumu wetu.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Muambi 7:18

Mbimpe kulonda mibelu yonsu ibidi eyi, bualu muntu udi unemeka Mvidi Mukulu kena ne bua kukolesha malu bikole.

Muambi 5:7

Kukemi bua paudi mumone bakengesha bapele mu ditunga, kabayi bakosa nsambu yabu pa yoyi. Bualu muntu udi ne muanzu munene, kakupeta tshilumbu, bualu badi bamulame kudi munga udi ne muanzu munene mupite. Bobu babidi kabidi kabakupeta tshilumbu, bualu badi babalame kudi banga badi babapite ku muanzu.

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Misambu 64:9

Mvidi Mukulu mmubapingajile miaku yabu mibi. Bantu bonsu badi babamona balale panshi nanku, badi bakupa mitu, bakatshila.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Danyele 8:8

Bukole bua mbuji wa mpumbu kudiunda. Kadi papitshi bukole buende, lusengu lunene elu kutshibuka diakamue. Pa muaba uvualu, kumenapu nsengu mikuabu minene inayi, mitangilangane ku nseke inayi ya buloba.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

2 Samuele 22:31

Bidi Mvidi Mukulu wenza bidi amu bimpe! Meji adiye ufila ke atudi mua kulonda. Udi bu ngabu, udi ulama badi banyemena kudiye.

Muambi 5:6

Miaku ya bungi kayena ikumbaja bualu, mudi bilota bivule kabiyi bileja bualu. Nanku enza anu muebe muonsu bua unemeke Mvidi Mukulu.