Muambi 2:9 - MUKANDA WA MYIDI MUKULU

⁹ Mvua mupete lumu lunene lupite lua bonsu bavua bandianjidile mu Yerushalayime. Kadi matuku onsu aa tshivua mujimije meji amvua nawu to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nakalota lumu lunene; bintu bianyi biakavulangana, biakahita bia bonso bakadi ku mpala kuanyi mu Yelushalema; nakatshidi anu ne meji anyi.

Muambi 2:9 交叉引用

1 Kulondolola 29:25

Bena Izrayele kudimuena mudi bukalenga bua Shelomu budiunda. Maweja-Nangila wakamupesha butumbi buvua bupite bua bonsu bavua bamudianjidile mu nkuasa wa bukalenga mu bena Izrayele.

Muambi 1:16

Mvua muele meji ne: ndi mupete meji a bungi mupite bonsu bavua bandianjidila mu bukalenga mu Yerushalayime. Ndi mumanye malu a bungi, nansha amvua mulonge, nansha amvua mumvue ne anyi abidi.

1 Bakalenga 10:23

Nanku, mukalenga Shelomu uvua mupite bakalenga bonsu ba pa buloba, ku bubanji ne ku lungenyi.

2 Kulondolola 1:1

Shelomu, muana wa Davide, uvua mukoleshe bukalenga buende bimpe. Maweja-Nangila Mvidi Mukulu uvua umuambuluisha, bua ikale mukalenga wa lumu lunene.

1 Bakalenga 3:12

Nanku, bilondeshile tshiudi mulombe, ndi nkupa lungenyi ne meji. Newikale ne lungenyi lua bungi, lupite lua bantu bonsu bavua kumpala kuebe nansha bakulonda panyima.

Muambi 5:11

Muntu udi ukuata mudimu, nansha yeye mudie bikese nansha bia bungi udi ulala amu bimpe. Kadi biuma bivule bia mubanji bidi bimunyangila tulu.