Muambi 2:19 - MUKANDA WA MYIDI MUKULU

¹⁹ Yeye neakuate mudimu bu muena meji, nansha bu mupote anyi? Udi mua kuandamuna lukonku alu nnganyi? Kadi neapete bintu bionsu bimvua musangishe panu ku mudimu umvua mukuate ne ku meji amvua nawu. Bionsu ebi kabiena biumvuika to!

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Udi mumanye ne, Yeye neikale muena meji anyi muhote nganyi? Kadi yeye neakokeshe midimu yanyi yonso inakenza ne yakalesha bantu lungenyi lunakadi nʼalu muinshi mua diba. Ebu mbualu bua batuhu kabidi.

Muambi 2:19 交叉引用

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Muambi 3:22

Nanku ndi mumone ne: kakuena bidi mua kusankisha muntu bipite bia ku disanka dia mudimu wende. Ke bionsu bidiye ne bua kuenza panu, bualu kakuena udi mua kumupingaja pa buloba bua amone bidi ne bua kuenzeka kunyima kuende.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.

Muambi 9:13

Ndi mumone kabidi bunga bualu budi butuleja bimpe bidi meji enza panu.

1 Timote 6:10

Bualu lukuka lua biuma mmuji wa malu mabi a mishindu yonsu. Banga bantu badi ne lukuka alu, mbapambuke mu njila wa ditaba, mbadikebele makenga mavule.

1 Bakalenga 12:13

Mukalenga Robowame mumane kubenga lungenyi luwabu bamupesha kudi bakulu, kuandamunaye bena Izrayele ne lonji,

Muambi 2:20

Nenku meme kutuadija kunyingalala bikole bua bungi bua midimu imvua mukuate panu.

1 Bakalenga 11:43

Shelomu mumane kufua, kumujikabu pabuipi ne muaba uvuabu bajika tatuende, mu Tshimenga tshia Davide. Muanende wa balume Robowame kumupingana mu bukalenga.

Muambi 2:11

Kadi diba adi mvua mutangile midimu yanyi yonsu ne ntatu imvua mupete pa kuyikuata. Nanku meme kumona ne: bionsu bidi patupu, bidi amu bu kuipatangana tshianana ne lupepele. Kakuena bua nsongu budi bantu bapeta panu to.