Muambi 2:14 - MUKANDA WA MYIDI MUKULU

¹⁴ Bualu muntu wa meji udi mumanye kudiye uya. Kadi mupote udi wenda ububuta. Kadi ndi mumanye kabidi ne: bonsu babidi badi ne nshikidilu wa momumue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mesu a muena meji adi matangile ku mpala, ne muhote udi wenda mu midima; kadi nakajingulula ne, Bualu bumue budi bubakuata bonso.

Muambi 2:14 交叉引用

Misambu 49:10

Muntu udi mua kulala panu kashidi anyi? Neasokome lufu bua kamonu lukita anyi?

Nsumuinu 17:24

Muntu muakane udi ukuata mudimu ne meji. Kadi muntu mupote udi utangila kudiye kayi mua kufika.

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

1 Yone 2:11

Kadi muntu udi ukina muanabu, udi wenda mu miidima. Udi wendamu, kayi nansha mumanye kudiye uya. Bualu miidima mmimupofamije mesu.

Muambi 3:19

Bualu ndekelu wa muntu udi amu wa momumue ne wa nyama. Mudi muntu ne mueyelu, nyama udi nawu. Bionsu bibidi bidi ne bua kufua momumue. Muntu kena mupite nyama ku tshintu nansha tshimue to, bualu ku ndekelu bionsu bidi tshianana.

Muambi 9:16

Pa nanku, ndi njadika se: meji mmapite bukitu. Kadi bantu kabena bateleja mibelu ya muntu wa meji yeye muikale mupele. Badi bamupepeja.

Muambi 8:1

Muntu nansha umue kena muena meji wa menemene. Udi mua kumvuija bidi bienzeka nnganyi? Kadi muntu wa meji udi uleja mpala wa disanka, minyengu ijimina.

Muambi 7:2

Mbimpe kubuela mu nzubu wa madilu pa mutu pa kubuela muaba udi bantu badia bondoloka. Bualu lufu nnshikidilu wa muntu yonsu. Nanku bidi bilenga bua muntu yonsu amanye, kabidi avuluke bualu ebu.

Muambi 6:6

Muana awu mmupite muntu udi mushale ne muoyi nansha bidimu binunu bibidi, kadi kayi ne diakalenga. Ku ndekelu kua bionsu, buonsu babidi nebaye muaba wa momumue.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.

Misambu 19:10

Kunemeka Maweja-Nangila nkuakane, tumunemeke kashidi. Maweja-Nangila udi ukosa nsambu pa yoyi, kabayi mua kumudinga.

Muambi 2:16

Bionsu bidi bienzeka, badi babipua muoyi lukasa. Muntu wa meji udi ufua, anu mudi mupote ufua. Kadi bonsu babidi nebabapue muoyi. Bionsu ebi bidi bienzeka nanku bua tshinyi?

Misambu 49:11

Tudi tumona mudi bena meji bafua, mudi bapela ne batshimbakane bashiya buloba. Bonsu mbashile bantu bakuabu bintu biabu!

Muambi 6:8

Panu apa muntu wa meji udi mushindu umue ne muntu mutshimbakane. Padi mupele mumanye mua kusomba panu nebunulengelele ku tshinyi?