Muambi 2:13 - MUKANDA WA MYIDI MUKULU

¹³ Bushuwa ndi mumanye ne: meji mmapite bupote, mudi butoke bupite miidima.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hashishe, nakamona ne, Meji adi ahita malu a tshianana buakane bu mudi munya muhite midima.

Muambi 2:13 交叉引用

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.

Matayi 6:23

Kadi pikala mesu ebe kaayi amona bimpe, mubidi webe mujima udi mu midima. Nanku pikala butoke budi munda muebe buikale amu midima, newikale mu midima mikole be!

Muambi 11:7

Butoke bua diba budi bulenga, busankisha muntu udi ubumona.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Misambu 119:105

Diyi diebe didi bu muendu ku makasa anyi, bu butoke budi buntokeshila njila.

Muambi 9:18

Meji mmapite bia mvita. Kadi muena buenzayi umue udi mua kunyanga bilenga bidi meji atupetesha.

Muambi 9:16

Pa nanku, ndi njadika se: meji mmapite bukitu. Kadi bantu kabena bateleja mibelu ya muntu wa meji yeye muikale mupele. Badi bamupepeja.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Nsumuinu 16:16

Bidi bitambe buimpe kupeta meji ne lungenyi, pa mutu pa kupeta mpawungi ne tshiamu tshitoke tshia mushinga mukole.

Misambu 119:130

Diyi diebe didi dipetesha muntu butoke padiye udimanya, didi dipetesha bantu bapuekele lungenyi.

Muambi 10:10

Padibu kabayi banoona tshisuyi tshidi katshiyi tshitue, amu muntu wa dikanda udi mua kuenza natshi mudimu. Nenku meji adi apetesha muntu tshipeta.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.