Muambi 2:11 - MUKANDA WA MYIDI MUKULU

¹¹ Kadi diba adi mvua mutangile midimu yanyi yonsu ne ntatu imvua mupete pa kuyikuata. Nanku meme kumona ne: bionsu bidi patupu, bidi amu bu kuipatangana tshianana ne lupepele. Kakuena bua nsongu budi bantu bapeta panu to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe, nakatangila midimu yonso yakenza bianza bianyi, ne lutatu lunakadi nʼalu; monai, malu onso akadi hatuhu bu kuihata kua luhehele; kakuakadi bualu buimpe muinshi mua diba.

Muambi 2:11 交叉引用

Muambi 1:14

Meme kumona bionsu bidi bienzeka pa buloba. Bionsu ebi bidi patupu, bidi amu bu kuipatangana ne lupepele.

Muambi 1:3

Bantu badi batata bikole pa buloba bua kuenza mudimu. Kadi tshidibu bapeta ntshinyi?

1 Timote 6:6

Bulelela, kuenzela Mvidi Mukulu mudimu nekunemeshe muntu, padiye usanka ne bidiye nabi.

Ekesode 39:43

Moshe kubandila mudimu uvua bena Izrayele benza. Kumonaye ne bavua bawenze anu bu muvua Maweja-Nangila muambe. Nanku, kubelaye lupemba.

Genese 1:31

Mvidi Mukulu kukenketa bintu bionsu bivuaye mufuke, kumonaye ne: bidi bimpe bitambe.

Abakuke 2:13

Bantu banuvua bakuate mu bupika, bavua baditatshisha patupu. Bipeta bionsu nebibutuke mu kapia. Maweja-Nangila wa bukole buonsu, ke udi ukumbaja bionsu abi.

Misambu 89:47

Maweja-Nangila, neusokome kashidi anyi? tshiji tshiebe netshioshe bu kapia too ne diba kaayi?

Muambi 1:17

Mvua nkeba mua kujingulula mudi malu mashilangane ne butatakane, mudi lungenyi lushilangane ne bupote. Kadi meme kumona ne: bionsu bindi ngenza bidi amu bu kuipatangana ne lupepele.

Muambi 3:9

Kadi tshia nsongu tshidi muntu upeta ku midimu idiye ukuata ne lutatu ntshinyi?

Muambi 5:10

Padi muntu ne biuma bivule, bantu bavule badi babidia. Biuma nebilengelele muenabi ku tshinyi? Bushuwa udi mua kubitangila ne mesu, kadi tshikuabu tshidiye upeta ntshinyi?

Muambi 5:16

Kabidi matuku ende onsu panu uvua usomba amu ne kanyinganyinga, ne tshiji ne makenga.